قر بالالار قۇقىعى جٶنٸندەگٸ ۋەكٸل ارۋجان ساين قازاقستاندىقتاردان كٶشەدە قايىر سۇرايتىن بالالارعا اقشا بەرمەۋدٸ ٶتٸندٸ, دەپ حابارلايدى "ۇلت اقپارات".
«دوستار, كٶشەدەگٸ بالالار نەمەسە بالالارى بار ەرەسەك تٸلەمسەكتەر تۋرالى كٶپتەگەن حابارلاما مەن پٸكٸرلەر الامىن. تٸلەمسەكتٸككە زورلىقپەن تارتۋدان بالالاردىڭ قۇقىعىن قورعاۋ بويىنشا ساۋال دايىنداپ, كەشەندٸ شارالار قابىلداۋ ٷشٸن فاكتٸلەردٸ جيناۋعا كٶمەكتەسۋلەرٸڭٸزدٸ ٶتٸنەمٸن. بالالار تٸپتٸ, مەكتەپكە دە بارمايدى», - دەپ جازدى ول Instagram-داعى پاراقشاسىنا.
ارۋجان ساين قايىر سۇراعان بالالى ەرەسەكتەردٸڭ جەنە بالالاردىڭ ٶزدەرٸنٸڭ سۋرەتتەرٸن ونىڭ قاي جەردە (كٶشەدە, جول بويىندا, دەمحانا, مەيرامحانادا) تٷسٸرٸلگەنٸن, مەكەن جايىن جەنە داتاسىن كٶرسەتە وتىرىپ جٸبەرۋدٸ ٶتٸنەدٸ. سۋرەتتەردٸ +7 747 674 1554 نٶمٸرٸنە WhatsApp ارقىلى جٸبەرۋگە بولادى.
«پوليتسييا, قامقورشى ورگان تاراپىنان قانداي شىنايى شارالاردى قابىلداۋعا بولاتىندىعىن تٷسٸنۋ قاجەت. ەڭ باستىسى, زٷلفييا بايساقوۆا سۇحباتىندا ايتقانداي, ەزٸرشە بٸر عانا ەدٸسپەن كٷرەسۋگە بولادى: بارلىق قازاقستاندىق اقشا بەرگەندٸ توقتاتۋى كەرەك. ساداقانىڭ وسى تەتٸگٸ جۇمىس ٸستەۋٸن قويعان كەزدە بۇل بالالار دا تٸلەمسەكتٸككە تارتىلمايدى. سونىمەن قاتار بالاعا كٶمەكتەسۋ ٷشٸن بالانى جٸبەرمەۋگە نەمەسە ەرەسەكتەر بالامەن قايىر تٸلەپ جٷرگەن جەردە قالۋعا تىرىسۋ قاجەت. پوليتسييانى شاقىرىپ, كٷتٸپ, شاعىم جازۋ قاجەت. تەرگەۋشٸنٸڭ جەنە كەمەلەتكە تولماعانداردى بەيٸمدەۋ ورتالىعى قىزمەتكەرلەرٸنٸڭ مەلٸمەتتەرٸن الىپ, بالانىڭ تاعدىرىن باقىلاۋدا ۇستاساڭىزدار», - دەدٸ ول.
