قر بالا قۇقىقتارى جٶنٸندەگٸ ۋەكٸل ارۋجان ساين رۋدنىيداعى بالالار ٷيٸندە بولعان جاعدايعا قاتىستى قر باس پروكۋراتۋراسىنا جولداعان ساۋالىنا جاۋاپ الماعان, دەپ حابارلايدى "ۇلت اقپارات".
«رۋدنىيداعى بالالار ٷيٸندە بولعان جاعداي اتا-انانىڭ قامقورلىعىنسىز قالعان بالالارعا ارنالعان مەكەمەلەردٸ ٷنەمٸ قاداعالاپ وتىرۋ قاجەتتٸگٸن تاعى بٸر رەت كٶرسەتٸپ بەردٸ. قاداعالاۋ تەك مەملەكەتتٸك ورگاندار تاراپىنان عانا ەمەس, قوعامدىق ۇيىمدار تاراپىنان دا جٷرۋٸ تيٸس. بۇعان دەيٸن دە پروكۋرورلىق تەكسەرۋلەر مەن UNISEF, Human Rights Watch سيياقتى حالىقارالىق ۇيىمداردىڭ زەرتتەۋلەرٸ كەزٸندە بالالاردىڭ قۇقىقتارىن تاپتاۋ فاكتٸلەرٸ انىقتالعانى تۋرالى تالاي جازعانمىن. قازاقستان اتالمىش بالالاردى ورنالاستىرۋدىڭ وتباسىلىق نورمالارىن دامىتۋ جەنە مەملەكەتتٸك مەكەمەلەر جٷيەسٸن ينستيتۋتسىزداندىرۋ جٶنٸندەگٸ ۇسىنىمداردى ورىنداۋعا تيٸس. وسىعان بايلانىستى, 25 شٸلدەدە بالا قۇقىقتارى جٶنٸندەگٸ ۋەكٸل رەتٸندە قر باس پروكۋراتۋراسىنا حات جولداعانمىن. ەلٸ جاۋاپ العان جوقپىز», دەپ جازدى ارۋجان ساين Facebook-تەگٸ پاراقشاسىندا.
ٶز جازباسىندا رەسمي ۋەكٸل قۇزىرلى ورگانعا جولدانعان ساۋالدىڭ مەتٸنٸ مەن كٶشٸرمەسٸن ۇسىنعان. ول حاتىندا قر باس پروكۋرورىنان بارلىق ينتەرنات ٷلگٸسٸندەگٸ بالالار مەكەمەسٸنە تەكسەرۋ جٷرگۋٸزۋدٸ سۇراعان.
