قر بالا قۇقىقتارى جٶنٸندەگٸ ۋەكٸل ارۋجان ساين بالالاردىڭ شىعارماشىلىق جەنە سپورتتىق ٷيٸرمەلەرٸنٸڭ تەگٸن بولۋىن شەكتەپ تۇرعان كەدەرگٸلەردٸ اتادى, دەپ حابارلايدى قازاقپارات.
بٸلٸم جەنە عىلىم مينيسترلٸگٸنٸڭ Facebook پاراقشاسىندا دٷنيەجٷزٸلٸك بالالار كٷنٸنە وراي «بالالىق شاقتى قورعاۋ جٷيەسٸنٸڭ تيٸمدٸلٸگٸ جەنە بالانىڭ ەل-اۋقاتى: مەملەكەت پەن ازاماتتىق قوعامنىڭ بٸرٸگۋٸ» تاقىرىبىندا باسپاسٶز مەسليحاتى ٶتٸپ جاتىر. شارادا سٶز باستاعان ارۋجان ساين بالالاردى جارقىن بولاشاققا جەتەلەۋ ٷشٸن مەملەكەت باسشىسى قاسىم-جومارت توقاەۆ ناقتى قانداي تاپسىرما بەرگەنٸن قاتىسۋشىلاردىڭ ەسٸنە سالدى.
«پرەزيدەنت قازاقستان حالقىنا جولداۋىندا بالالارعا بٸلٸم مەن تەربيە بەرۋ مەسەلەسٸنە ەرەكشە نازار اۋدارعان بولاتىن. ول ەربٸر بالا سپورتتىق, شىعارماشىلىق جەنە ٶنەر ٷيٸرمەلەرٸمەن قامتىلۋى كەرەكتٸگٸن ەسكەرتكەن. سەبەبٸ بۇل – بٸزدٸڭ بالالارعا بٸلٸم مەن تەربيە بەرۋدٸڭ, مەملەكەت ٷشٸن ادام كاپيتالىن دامىتۋدىڭ ماڭىزدى ەلەمەنتٸ. بٸز بۇل مەسەلەنٸ شەشۋگە تىرىسقانىمىزبەن, ٶكٸنٸشكە قاراي, پروگرەسس ەلٸ جوق. مەن ەكٸمدٸكتەرگە ناقتى تالاپپەن شىقتىم, ياعني ولارعا بٸلٸم سالاسىنا بٶلٸنەتٸن قاراجاتتىڭ بٸراز بٶلٸگٸن بالالار ٷشٸن تەگٸن ٷيٸرمەگە جۇمساۋ كەرەكتٸگٸن حابارلادىم. بۇل حاتتى جان-جاققا جولداسام دا, ەزٸرگە نەتيجە جوق. 2020 جىلى ناقتىلانعان بيۋدجەتكە بۇل مەسەلەلەر ەسەپكە الىنبادى», - دەيدٸ ارۋجان ساين.
قر بالا قۇقىقتارى جٶنٸندەگٸ ۋەكٸل ناقتى قاجەتتٸلٸككە جۇمسالۋعا تيٸس قاراجاتتىڭ بولماشى شارالارعا باعىتتالىپ جاتقانىن ايتادى.
«بٸزدٸڭ ەربٸر تيىن حالىقتىڭ قاجەتٸنە جۇمسالۋى تيٸس. 6 ميلليون بالامىزعا مەملەكەتتٸك تۇرعىدا جٷيەلٸ كٶمەك كٶرسەتٸلۋٸ كەرەك. قىسقاسى, جەرگٸلٸكتٸ اتقارۋشى ورگانداردىڭ زەردەسٸ بار-اۋ دەگەن ٷمٸتٸمٸز جەلگە ۇشتى. بٸز مەدەنيەت جەنە سپورت مينيسترلٸگٸنٸڭ ٶكٸلدەرٸمەن ناقتى مەحانيزمدەر جولعا قويىلۋى كەرەكتٸگٸ جٶنٸندە ۇزاق ەڭگٸمەلەستٸك. ٶيتكەنٸ اقشا ٷيٸرمە تٷرٸندە ەر بالاعا جەتۋٸ كەرەك. ٶكٸنٸشتٸسٸ, بۇل مەحانيزم ەلٸ قۇرىلعان دا جوق. سوندىقتان ساراپشىلارعا جٷگٸندٸك. ولارعا العىسىم شەكسٸز. ساراپشىلاردىڭ كٶمەگٸمەن مەملەكەتتٸك ساتىپ الۋلار تۋرالى زاڭعا ٶزگەرٸستەر مەن تولىقتىرۋلار ەنگٸزۋدٸ كٶزدەيتٸن زاڭ جوباسى ەزٸرلەنٸپ, ول قۇجاتقا «شىعارماشىلىق ساتىپ الۋ», «سپورتتىق ساتىپ الۋ» ۇعىمدارى ەنگٸزٸلدٸ. سونداي-اق مەدەنيەت تۋرالى زاڭعا جەنە سپورت تۋرالى زاڭعا بالالار سپورتى مەن شىعارماشىلىعى بويىنشا ساتىپ الۋ جٷيەلەرٸ قالاي ناقتى جۇمىس ٸستەيتٸنٸن رەتتەيتٸن تٷزەتۋلەر ەزٸرلەندٸ», - دەدٸ ول.
ارۋجان ساين بۇل ماقساتتاعى جۇمىس رەسپۋبليكالىق بيۋدجەتتەن قوسىمشا قاراجاتتى قاجەت ەتپەيتٸنٸن جەتكٸزدٸ. بۇل مەسەلە ەكٸمدٸكتەردەن, مەدەنيەت جەنە سپورت باسقارمالارىنان بٶلٸنەتٸن قاراجاتتىڭ ەسەبٸنەن شەشٸلەدٸ. ياعني بۇل قوماقتى قارجى بالالاردىڭ مٷددەسٸ مەن ٷيٸرمەلەرمەن قامتاماسىز ەتۋگە جۇمسالادى.
«قازٸرگٸ ۋاقىتتا بۇل زاڭ جوباسى مەجٸلٸستٸڭ قاراۋىندا. ٷكٸمەتتٸڭ قورىتىندىسىن كٷتٸپ وتىرمىز. قۇجاتتىڭ تەزٸرەك قابىلدانۋىنان ٷمٸتٸمٸز زور. بۇل زاڭ وسى جىلدىڭ سوڭىنا دەيٸن قابىلدانباسا, بٸزدٸڭ ەكٸمدٸكتەر تاعى دا بالالاردىڭ مٷددەسٸ ەسكەرٸلمەگەن بيۋدجەتتٸ قابىلداپ جٸبەرەدٸ», - دەدٸ ول.
