قازاقستان بوكس فەدەراتسيياسىنىڭ باپكەرلٸك مەسەلەلەر جٶنٸندەگٸ ۆيتسە-پرەزيدەنتٸ, مەملەكەتتٸك جاتتىقتىرۋشى باقتييار ارتاەۆ وليمپيادادان كەيٸن كوماندانىڭ قالاي ٶزگەرەتٸنٸن ايتتى, دەپ حابارلايدى Sputnik قازاقستان.
"ۇلتتىق قۇرامادان ەشكٸم كەتكەن جوق. بٸراق وليمپياداعا بارعان قۇراما 80 پايىزعا ٶزگەرەدٸ. ٶيتكەنٸ رەزەرۆ بار, ٶسٸپ كەلە جاتقان جاستار بار. بٸزدە كەسٸپقوي بوكستا جٷرگەن جٸگٸتتەر دە بار. بەرٸمەن كەلٸسسٶزدەر جٷرگٸزٸلدٸ. كەسٸپقوي بوكستا جٷرگەن جٸگٸتتەردٸڭ بەرٸ كەلۋگە دايىن", - دەدٸ ارتاەۆ ورتالىق كوممۋنيكاتسييالار قىزمەتٸندە ٶتكەن ونلاين بريفينگتە.
ونىڭ ايتۋىنشا, وسى سپورتشىلاردىڭ بارلىعى كەلسە, 70-80 پروتسەنتكە جاڭارعان كوماندا بيىل بوكستان ەلەم چەمپيوناتىنا بارادى.
"ەندٸگٸ مەسەلە ۋاقىت ەنشٸسٸندە, ولاردىڭ قايسىسى وقۋ-جاتتىعۋ جيىندارىنا بٸرٸنشٸ بولىپ كەلۋٸنە بايلانىستى. ەگەر بارلىعى كەلەتٸن بولسا, وندا ۇلتتىق قۇرام 70-80 پايىزعا اۋىسادى. وسى ورايدا ەلەم بٸرٸنشٸلٸگٸنە باسقا قۇراممەن بارامىز.
سونداي-اق, بيىلدان باستاپ AIBA ەرەجەسٸنە سەيكەس, جٸگٸتتەر 13 سالماق دەرەجەسٸ بويىنشا ٶنەر كٶرسەتەدٸ. ال قىزدارىمىز 12 سالماق دەرەجەسٸندە بوكستاسا الادى. ەلەم بٸرٸنشٸلٸگٸنە ناعىز مىقتىلاردى اپارامىز. سول كەزدە باسقا بوكستى كٶرەسٸزدەر. اللا جازسا, وليمپيادانىڭ قاتەلٸگٸن دە سول جەردە ٶزگەرتەمٸز", - دەپ اتاپ ٶتتٸ ارتاەۆ.
ايتا كەتەيٸك, 2021 جىلعى بوكستان ەلەم چەمپيوناتى سەربييادا ٶتەدٸ. 2019 جىلعى چەمپيوناتتا بەكزاد نۇردەۋلەتوۆ (81 كەلٸ) التىن جٷلدەگە يە بولسا, قامشىبەك قوڭقاباەۆ (91 كەلٸدەن جوعارى) كٷمٸس مەدالدٸ جەڭٸپ الدى. تاعى تٶرت بوكسشىمىز قولانى قاناعات تۇتتى.
ال توكيو وليمپياداسىندا قامشىبەك قوڭقاباەۆ پەن سەكەن بيبوسىنوۆ قانا جارتىلاي فينالعا جەتكەن. ەكەۋٸ دە قولا جٷلدەگەر اتاندى.
