مەملەكەتتٸك كوميسسييا تٶرت جۇمىسشى قازا تاپقان «ارسەلورميتتال تەمٸرتاۋ» اق-داعى جازاتايىم وقيعا جۇمىس بەرۋشٸنٸڭ كٸنەسٸنەن بولعانىن انىقتادى, دەپ حابارلايدى Ulysmedia.kz.
«ساراپتامالىق ۇيىمدار اپاتقا سەبەپ بولۋى مٷمكٸن اقاۋلار مەن زاقىمدانۋلاردى انىقتادى. سونداي-اق, تاپسىرىس بەرۋشٸ «قۇرىلىسمەت» پەن مەردٸگەر «ارسەلورميتتال تەمٸرتاۋ» قۇرىلىس-مونتاجداۋ جۇمىستارىن جٷرگٸزۋ قاۋٸپسٸزدٸگٸن قامتاماسىز ەتپەگەنٸ بەلگٸلٸ بولدى. جوبالاۋ قۇجاتتاماسى بەكٸتٸلمەگەن. ٶندٸرٸس جوباسى مەن پەشتٸ بٶلشەكتەۋدٸڭ تەحنولوگييالىق كارتاسى ساراپتامالىق كوميسسييالاردىڭ قاراۋىنا ۇسىنىلماعان. ارنايى تەرگەۋ قورىتىندىسى بويىنشا كوميسسييا جۇمىس بەرۋشٸنٸڭ جٷز پايىز كٸنەسٸن انىقتادى», - دەدٸ مەملەكەتتٸك كوميسسييا تٶراعاسى, قاراعاندى وبلىسى بويىنشا باس مەملەكەتتٸك ەڭبەك ينسپەكتورى يرينا ليۋبارسكايا.
تەرگەۋ كوميسسيياسىنا جەرگٸلٸكتٸ اتقارۋشى ورگانداردىڭ, كەسٸپوداقتىڭ, جۇمىس بەرۋشٸنٸڭ ٶكٸلدەرٸ جەنە ساراپتاما ۇيىمدارى كٸردٸ. كوميسسييا ەكٸ اپتاعا جۋىق ۋاقىت ٸشٸندە وقيعا ورنىن تەكسەردٸ, تەحنيكالىق جەنە نورماتيۆتٸك قۇجاتتاردى زەرتتەدٸ, قاتىسى بار ادامدارمەن, كۋەگەرلەرمەن سۇحباتتاستى.
انىقتالعانىنداي, جۇمىسشىلار جەتكٸلٸكتٸ دەرەجەدە بٸلٸكتٸ, ياعني 5 جەنە 6-رازريادتارى بولعان. بٸراق, ولار ٷش كٷن قاتارىنان اۋىسىمسىز دەمونتاج جاساعان. قايعىلى وقيعا جٶندەۋ جۇمىسىنىڭ اياقتالۋىنا 25% قالعاندا, ياعني سوڭعى كٷنٸ بولعان.
تەرگەۋ بارىسىندا 32 ادام سۇراۋعا الىندى. 14 كٷدٸكتٸ انىقتالدى, ونىڭ ٸشٸندە باسشىلىق قۇرام دا بار. ماتەريالداردىڭ كٶشٸرمەلەرٸ اۋماقتىق پوليتسييا ورگانىنا جٸبەرٸلەدٸ.
ەسكە سالا كەتەيٸك, 10 ماۋسىمدا «قۇرىلىسمەت» جشس («ارسەلورميتتال تەمٸرتاۋ» اق ەنشٸلەس كەسٸپورنى) ماستەر-پرەسس تسەحىنىڭ جۇمىس ٸستەمەيتٸن №9 تەرمييالىق پەشٸندە وتقا تٶزٸمدٸ قۇرىلىستى بٶلشەكتەۋ كەزٸندە شاتىر وپىرىلىپ قۇلاعان. جٶندەۋ تسەحىنىڭ 5 جۇمىسشىسى ٷيٸندٸ استىندا قالدى. ونىڭ تٶرتەۋٸ كٶز جۇمىپ, بٸرەۋٸ اۋرۋحاناعا جەتكٸزٸلدٸ.
