فوتو: Tengrinews.kz
ٶنەركەسٸپ جەنە قۇرىلىس مينيسترٸ قانات شارلاپاەۆ «ارسەلورميتتال تەمٸرتاۋ» كومپانيياسىنىڭ اتاۋىن اۋىستىرۋ جٶنٸندە پٸكٸرٸن بٸلدٸردٸ, دەپ حابارلايدى Kazinform اگەنتتٸگٸ.
«كومپانييانىڭ رەبرەندينگٸن جاڭا ينۆەستور ناقتى بەكٸتەدٸ. بٸزدٸڭ پٸكٸرٸمٸزشە, بۇرىنعى تاريحي „قارمەت“ اتاۋىن قايتارۋ قاجەت. مۇنى قىزمەتكەرلەر مەن تۇرعىندار دا قولدايدى دەپ ويلايمىن», — دەدٸ شارلاپاەۆ ٷكٸمەتتە ٶتكەن بريفينگتە.
ايتا كەتەيٸك, «ارسەلورميتتال تەمٸرتاۋ» اق مەملەكەت مەنشٸگٸنە قايتارۋ كەلٸسسٶزدەرٸ اياقتالدى. امت ەكٸ كەسٸپورنىنىڭ قۇنى 286 ملن دوللارعا باعالانعان.
جاڭا ينۆەستور — قازاقستاندىق بيزنەسمەن اندرەي لاۆرەنتەۆ. ول 1979 جىلى الماتى قالاسىندا دٷنيەگە كەلگەن. «Allur Group» كومپانييالار توبىنىڭ ديرەكتورلار كەڭەسٸنٸڭ تٶراعاسى, ونىڭ قۇرامىندا «اگروماشحولدينگ» جەنە «سارىارقااۆتوپروم» جشس بار.
سونداي-اق, «ارسەلورميتتال تەمٸرتاۋ» «قازاقستان حالقىنا» قورىنا 16 ملرد تەڭگە قايىرىمدىلىق قارجى اۋدارادى. بۇل قاراجاتتىڭ 50 پايىزى تەمٸرتاۋ قالاسىنا جەنە قالعانى قاراعاندى وبلىسىن دامىتۋعا جۇمسالادى.
