سۋرەت: arcelormittal.kz
ينسپەكتورلار قاراعاندى وبلىسىنداعى "ارسەلورميتتال تەمٸرتاۋ" كەسٸپورنىنان قاۋٸپسٸزدٸك تالاپتارى ساقتالماۋىنا بايلانىستى 471 زاڭبۇزۋشىلىق دەرەگٸن انىقتاعان. بۇل تۋرالى قر تجم جانىنداعى ٶنەركەسٸپتٸك قاۋٸپسٸزدٸك كوميتەتٸ ٶكٸلٸ ايتتى, - دەپ حابارلايدى Tengrinews.kz اگەنتتٸگٸ nv.kz سايتىنا سٸلتەمە جاساپ.
مەملەكەتتٸك ينسپەكتورلار قاراعاندى وبلىسىنداعى كومپانييانىڭ قاۋٸپتٸ ٶندٸرٸستٸك نىساندارىن تەكسەرگەن. ولار كٶپٸر كراندارىن, قىسىممەن جۇمىس ٸستەيتٸن ىدىستاردى, قازاندىقتاردى, گاز قۇبىرلارىن, مەتاللۋرگييالىق جابدىقتاردى تەكسەرگەن. ماماندار انىقتالعان زاڭبۇزۋشىلىقتاردى جويۋ تۋرالى نۇسقاۋ بەرٸپ, قر ەقبتك-نٸڭ 298-بابى 1-بٶلٸگٸ بويىنشا ايىپپۇل تٷرٸندە ەكٸمشٸلٸك جازا قولدانعان.
انىقتالعان نەگٸزگٸ زاڭبۇزۋشىلىقتار:
- ٶنەركەسٸپتٸك قاۋٸپسٸزدٸك ساراپتاماسىن جٷزەگە اسىرماۋ;
- قاۋٸپتٸ نىساندار مەن قۇرىلعىلاردى ۋاقتىلى جاڭارتپاۋ;
- ٶندٸرٸستٸك عيماراتتار مەن تەحنولوگييالىق قۇرىلىستاردى ۋاقتىلى تەكسەرمەۋ;
- جٷككٶتەرگٸش كرانداردىڭ تٸرەك قۇرىلعىلارىن جوباسىز جٶندەۋ جەنە دەنەكەرلەۋ قوسىلىستارىنىڭ ساپاسىنسىز باعالاۋ;
- جارامسىز اسپاپتارى بار جٷككٶتەرگٸش كرانداردى پايدالانۋ;
- قاۋٸپتٸ ٶندٸرٸستٸك نىساننىڭ جۇمىسشىلار شتاتىنىڭ جاساقتالماۋى.
قاراعاندى وبلىسىنىڭ مامانداندىرىلعان اۋدانارالىق ەكونوميكالىق سوتىنا ادامنىڭ ٶمٸرٸ مەن دەنساۋلىعىنا, قورشاعان ورتاعا, جەكە جەنە زاڭدى تۇلعالاردىڭ, مەملەكەتتٸڭ زاڭدى مٷددەلەرٸنە قاۋٸپ تٶندٸرەتٸن زاڭبۇزۋشىلىقتار بويىنشا 21 قاۋٸپتٸ ٶندٸرٸستٸك نىسان مەن قاۋٸپتٸ تەحنيكالىق قۇرىلعىنى توقتاتا تۇرۋ تۋرالى تالاپ-ارىز جٸبەرۋ ارقىلى جەدەل شارالار قابىلدانعان.
