ارمەنييا پرەمەر-مينيسترٸ نيكول پاشينيان جەنە ەزەربايجان پرەزيدەنتٸ يلحام ەليەۆ تاۋلى قاراباق مەسەلەسٸن كەلەسٸ ايدا بريۋسسەللدە تالقىلاماق. بۇل جٶنٸندە ەۋرووداقتىڭ 19 قاراشا كٷنگٸ حابارلاماسىندا ايتىلعان, دەپ حابارلايدى ازاتتىق.
"ەكٸ ەل باسشىسى وڭتٷستٸك كاۆكازدا تۇراقتىلىق پەن يگٸلٸككە كەدەرگٸ كەلتٸرەتٸن جەيتتاردى جەڭۋ جولدارىن بريۋسسەلدە كەزدەسٸپ, تالقىلاۋعا كەلٸستٸ" دەلٸنگەن مەلٸمدەمەدە.
جيىن 15 جەلتوقساندا ەۋروپانىڭ شىعىس ايماقتاعى ەرٸپتەستٸگٸنە ارنالعان سامميت اياسىندا ٶتەدٸ. بۇعان دەيٸن ەۋروپا كەڭەسٸنٸڭ جەتەكشٸسٸ شارل ميشەل يلحام ەليەۆ جەنە نيكول پاشينيانمەن تەلەفونمەن سٶيلەسكەن.
"تەلەفون ارقىلى ەڭگٸمە بارىسىندا ارميان جەنە ەزەربايجان باسشىلارى قورعانىس مينيسترلٸكتەرٸ دەڭگەيٸندە تٸكەلەي بايلانىس ورناتىپ, الدىن الۋ تەتٸكتەرٸن ٸسكە قوسۋعا كەلٸستٸ" دەلٸنگەن ەو مەلٸمدەمەسٸندە.
بىلتىر قاراشادا ارمەنييا مەن ەزەربايجان مەسكەۋدٸڭ ارالاسۋىمەن 44 كٷنگە سوزىلعان, 6 مىڭنان استام ادامنىڭ ٶمٸرٸن قيعان تاۋلى قاراباقتا سوعىستى توقتاتۋ جٶنٸندە ورتاق مەلٸمدەمەگە قول قويعان. بٸراق سودان بەرٸ تاراپتار اراسىندا جاعداي اۋىق-اۋىق ۋشىعىپ كەلەدٸ.
بٸر جىلدان استام ۋاقىت ٸشٸندە ەكٸ ەل باسشىسى بەتپە-بەت ەكٸ رەت كەزدەسكەن. سوڭعى رەت مەسكەۋدە كەزدەسٸپ, وعان رەسەي پرەزيدەنتٸ ۆلاديمير پۋتين قاتىسقان.
ەزەربايجان مەن ارمەنييا شەكاراسى اراسىندا جاعداي وسى اپتا باسىندا تاعى بٸر ٶرشٸگەن. ساراپشىلار ونى بىلتىردان بەرگٸ قاقتىعىستاردىڭ "ەڭ ٸرٸسٸ" دەپ اتايدى.
