25 مامىردا ەزەربايجان ەسكەرٸمەن اتىس كەزٸندە بٸر ارميان ساربازى وققا ۇشتى. بۇل تۋرالى ارمەنييا قورعانىس مينيسترلٸگٸ حابارلادى. ەكٸ ەل اراسىندا جاعداي كەيٸنگٸ ۋاقىتتا قايتا ۋشىعا باستاعان.
مينيسترلٸكتٸڭ ايتۋىنشا, ارمەنييانىڭ گەگاركۋنيك اۋدانىنداعى ۆەرين شورجا بەكەتٸندە بولعان اتىس كەزٸندە بٸر ارميان ساربازى وققا ۇشقان. قازٸر اۋماقتا جاعداي تىنىش, اتىس توقتاعان. مينيسترلٸكتٸڭ مەلٸمەتٸنشە, ەزەربايجان تارابى ارميان پوزيتسيياسىنا قاراي وق اتىپ, اتىس سودان تۋىنداعان. بۇل ايماق بىلتىر تاۋلى قاراباقتاعى سوعىستان كەيٸن ەزەربايجانعا قايتارىلعان اۋداندارمەن شەكارالاس جاتىر.
ال رەسمي باكۋ ارميان ساربازىنىڭ وققا ۇشۋىنا قاتىسى جوعىن, سولداتتىڭ قايعىلى جاعدايدان مەرت بولعانىن حابارلادى.
حالىقارالىق قاۋىمداستىق تاۋلى قاراباقتى ەزەربايجان بٶلٸگٸ دەپ بٸلەدٸ, بٸراق 1990 جىلداردان باستاپ بۇل ايماقتى ەتنيكالىق ارمياندار باقىلاي باستاعان. بىلتىر قىركٷيەك سوڭىندا ايماقتا جاعداي قايتا ۋشىعىپ, التى اپتاعا سوزىلعان سوعىستىڭ نەتيجەسٸندە ەكٸ جاقتان بارلىعى 6 مىڭنان استام ادام مەرت بولدى. قاراشا ايىندا رەسەيدٸڭ ارااعايىندىق ەتۋٸمەن تاراپتار اراسىندا ورتاق كەلٸسٸم جاسالىپ, اتىس توقتادى. كەلٸسٸمگە سەيكەس, تاۋلى قاراباقتىڭ بٸر بٶلٸگٸ مەن جەتٸ اۋدان ەزەربايجان جاعىنا قايتارىلدى.
