اركتيكا ەلەمنٸڭ ازداعان لاستانباعان جەرلەرٸنٸڭ قاتارىنا ەنگەنمەن, وندا جاۋعان قاردىڭ قۇرامىندا پلاستيكتٸڭ ميكروسكوپييالىق بٶلشەكتەرٸ بار. بۇنى نەمٸس جەنە شۆەيتسار عالىمدارى انىقتادى, دەپ حابارلايدى قازاقپارات BBC-گە سٸلتەمە جاساپ.
گەرمانيياداعى الفرەد ۆەگەنەر اتىنداعى پوليارلىق جەنە تەڭٸز زەرتتەۋلەرٸ ينستيتۋتىنىڭ جەنە شۆەيتسارييانىڭ قار مەن كٶشكٸندٸ زەرتتەۋ ينستيتۋتىنىڭ كومانداسى ٶتكٸزگەن زەرتتەۋلەر نەتيجەسٸ Science Advances عىلىمي جۋرنالىندا جارييالاندى.
نەمٸس ينستيتۋتىنىڭ زەرتحاناسىندا شىنى قۇتىلارعا جينالعان ٷلگٸلەردٸ زەرتتەي كەلە, عالىمدار قاردىڭ ەربٸر ليترٸنەن پلاستيكتٸڭ وڭ مىڭعا جۋىق ميكروسكوپييالىق بٶلشەگٸن انىقتاعان.
بۇل – ادام اركتيكاعا كەلسە دە اۋامەن بٸرگە وسى بٶلشەكتەردٸ جۇتادى دەگەندٸ بٸلدٸرەدٸ. ميكروپلاستيكتٸڭ ادامنىڭ اعزاسىنا ەسەرٸ ەزٸرگە تولىق زەرتتەلمەگەن.
سونداي-اق, زەرتتەۋشٸلەر قاردان رەزەڭكە جەنە قاتتى تالشىقتاردىڭ (سينتەتيكالىق بولۋى مٷمكٸن) بٶلشەكتەرٸن تاپتى.
جالپى عالىمدار قار سۋىنان كٶپ ميكروبٶلشەكتەردٸ انىقتادى. پلاستماسسادان بٶلەك وندا تسەلليۋلوزا, قىلشىقتىڭ بٶلشەكتەرٸ تابىلدى, سونداي-اق, رەزەڭكەلٸ شينالاردىڭ, لاكتار مەن بوياۋلاردىڭ بٶلشەكتەرٸ بولعان.
«بٸز قانداي دا بٸر لاستانۋدى انىقتايمىز دەگەن ويدا بولدىق, الايدا ميكروپلاستيكتٸڭ وسىنشاما مٶلشەرٸ بٸزدٸ تاڭ قالدىردى», , - دەدٸ ەكپەديتسييا جەتەكشٸسٸ, پروفەسسور مەلاني بەرگمانن.
«قارداعى ميكروپلاستيكتەردٸڭ باسىم كٶپشٸلٸگٸ اۋادان تٷسكەن بولۋى كەرەك», - دەدٸ ول.
