فوتو: Facebook.com
جەتٸسۋ وبلىسىنىڭ اقسۋ اۋدانىنا قاراستى بالاساز اۋىلىندا جاعا ۇستاتار وقيعا بولدى. 32 جاستاعى ايزات جۇمانوۆانى كٷيەۋٸ قاتىگەزدٸكپەن ٶلتٸرگەن. قاندى قىلمىستى مارقۇمنىڭ جۇبايى ايبار جانبولات جاسادى دەگەن كٷدٸك بار, دەپ حابارلايدى Azattyq Rýhy.
جەلٸدە تاراعان مەلٸمەتكە جٷگٸنسەك, مارقۇمنىڭ تۋىستارى كٶپ ساعات بويى ازاپتالعانىن ايتادى. كٷيەۋٸ ەيەلٸن ەكٸ جاسار بٷلدٸرشٸنٸنٸڭ كٶزٸنشە قاتىگەزدٸكپەن ۇرىپ-سوققان. بۇدان بٶلەك, ونى ارقانمەن قولىنان بايلاپ, جىلقىمەن سٷيرەگەنٸ دە ايتىلدى.
مەديتسينالىق قورىتىندىدا كٶرسەتٸلگەن جاراقاتتار:
- - باس-مي جاراقاتى (زچمت);
- - مي ٸسٸنۋٸ;
- - باس سٷيەگٸ نەگٸزٸنٸڭ سىنۋى;
- - جامباس جەنە اياق-قول سٷيەكتەرٸنٸڭ كٶپ جەردەن سىنۋى;
- - تەرٸنٸڭ بٸرنەشە جەردەن سىلىنىپ كەتۋٸ;
- - بۋىن بايلامدارىنىڭ ٷزٸلۋٸ;
- - قول مەن بٸلەكتەگٸ تەرٸنٸڭ تولىقتاي سىرىلىپ كەتكەنٸ;
- - دەنەدە جەرگە سٷيرەلۋ ٸزدەرٸ بار.
كٷدٸكتٸ ايبار جانبولات ەيەلٸنٸڭ ەكٸنشٸ قاباتتان سەلفي جاساپ جاتىپ قۇلاپ كەتكەنٸن ايتقان. الايدا, مارقۇمنىڭ تۋىستارى بۇل مەلٸمدەمەنٸ شىندىققا ساي ەمەس دەپ ەسەپتەيدٸ. ولاردىڭ ايتۋىنشا, وقيعا ورنىندا قىلمىستىڭ ٸزٸن جاسىرۋ ەرەكەتتەرٸ دە بولعان.
ايزاتتى اۋرۋحاناعا جەتكٸزبەس بۇرىن جۋىندىرىپ, كيٸمٸن اۋىستىرعان. ونىڭ ٷستٸندە قاننىڭ, جاراقاتتىڭ ٸزٸ بولماعان. بۇل جاعداي تۋىستاردىڭ كٷدٸگٸن كٷشەيتە تٷسكەن.
ايزات جۇمانوۆا 22 ماۋسىمدا تٷنگٸ ساعات 02:30 شاماسىندا تالدىقورعانداعى وبلىستىق اۋرۋحاناعا جەتكٸزٸلگەن. الايدا دەرٸگەرلەر تەك ونىڭ قايتىس بولعانىن عانا تٸركەگەن. تۋىستارى ول كەزدە ايزاتتىڭ ٶمٸردەن ٶتٸپ كەتكەنٸن ايتىپ وتىر.
قايعىلى وقيعا كەزٸندە ەكٸ جاسار قىزى بارلىق جاعدايدى كٶزٸمەن كٶرگەن. قازٸر ول اۋىر پسيحولوگييالىق كٷيزەلٸسكە ۇشىراپ وتىر.
«قىزىمىز سٶيلەمەيدٸ. «ماما, ماما» دەپ قانا كٷبٸرلەيدٸ. تٷندە ۇيىقتامايدى, قاراڭعىدان قورقادى. بارلىعىن كٶردٸ, بٸراق ايتۋعا شاماسى جوق», - دەيدٸ تۋىستارى.
جەتٸسۋ وبلىستىق پوليتسييا دەپارتامەنتٸنٸڭ مەلٸمەتٸنشە, جەبٸرلەنۋشٸنٸڭ ٶلٸمٸنە ەكەپ سوققان قاساقانا اۋىر دەنە جاراقاتىن كەلتٸرۋ فاكتٸسٸ بويىنشا پوليتسييا تاراپىنان سوتقا دەيٸنگٸ تەرگەپ-تەكسەرۋ جٷرگٸزٸلٸپ جاتىر.
«كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى. تەرگەۋ ٸسٸ وبلىستىق پوليتسييا دەپارتامەنتٸ باسشىلىعىنىڭ ەرەكشە باقىلاۋىندا. قىلمىستىق ٸس اياسىندا قىلمىستىڭ تولىق ەرٸ وبەكتيۆتٸ سيپاتىن انىقتاۋعا باعىتتالعان بارلىق قاجەتتٸ پروتسەسسۋالدىق شارا قابىلدانىپ جاتىر. ايعاقتار جينالىپ, مۇقييات ساراپتاما جاسالىپ جاتىر, سوت-مەديتسينالىق ساراپتامالار تاعايىندالىپ, قازٸرگٸ ۋاقىتتا جٷرگٸزٸلٸپ جاتىر. بارلىق تاراپتىڭ ۋەجدەرٸ مەن نۇسقالارى تەكسەرٸلٸپ جاتىر», - دەپ حابارلادى پوليتسييا.
بەلگٸلٸ بولعانداي, تەرگەۋ ەرەكەتتەرٸ زاڭناما اياسىندا, تاراپتاردىڭ قۇقىقتارى مەن زاڭدى مٷددەلەرٸن قاتاڭ ساقتاي وتىرىپ جٷرگٸزٸلەدٸ. كٸنەلٸلەر زاڭعا سەيكەس تولىق كٶلەمدە جاۋاپقا تارتىلادى.
قازٸرگٸ ۋاقىتتا تەرگەۋ مٷددەسٸنە بايلانىستى باسقا اقپارات جارييا ەتٸلمەيدٸ.
