ليونەل مەسسي "بارسەلونادان" كەتتٸ. اتاقتى فۋتبولشىنىڭ كەتۋٸن كلۋب ٶكٸلدەرٸ حابارلادى.
"بارسەلونا" مەن ليونەل مەسسي كەلٸسٸمگە كەلٸپ, بٷگٸن جاڭا كەلٸسٸمشارتقا قول قويۋعا نيەت بٸلدٸرسە دە, بۇل قارجىلىق جەنە قۇرىلىمدىق كەدەرگٸلەرگە بايلانىستى مٷمكٸن بولمادى (يسپانييا ليگاسىنىڭ ەرەجەلەرٸ). مەسسي "بارسەلونادا" قالمايدى. ەكٸ جاق تا ويىنشى مەن كلۋبتىڭ تٸلەكتەرٸ ورىندالمايتىنىنا قاتتى ٶكٸنەدٸ. "بارسەلونا" ويىنشىعا كلۋبتىڭ دامۋىنا قوسقان ٷلەسٸ ٷشٸن العىسىن بٸلدٸرەدٸ جەنە وعان جەكە جەنە كەسٸبي ٶمٸرٸندە بارلىق جاقسىلىقتى تٸلەيدٸ", - دەلٸنگەن كوماندانىڭ سايتىندا جارييالانعان حابارلامادا.
Sports.ru باسىلىمىنىڭ مەلٸمەتٸنشە, يسپان لا ليگاسىندا قاتاڭ قارجى رەتتەۋٸ بار: شىعىن كٶلەمٸ كلۋبتىڭ تابىسىنا بايلانىستى بولۋى كەرەك, "بارسەلونا" بۇعان سەيكەس كەلە المايدى, سوندىقتان ليگا جاڭا كەلٸسٸمشارتتاردى تٸركەي المايدى.
سونداي-اق, 34 جاستاعى شابۋىلشىنىڭ كلۋبتان كەتۋٸنە "بارسەلوناداعى" قارجى قيىندىعى دا بٸر سەبەپ بولعان. كوروناۆيرۋس پاندەميياسى كەزٸندە كلۋب تابىسى ەدەۋٸر كەمٸگەن. ٶتكەن ماۋسىمدا "بارسەلونا" فۋتبولشىلار جالاقىسىنا 671 ميلليون ەۆرو جۇمساسا, ەندٸ كلۋب 383 ميلليونعا شەكتەلۋگە مەجبٷر.
مەسسي كوماندادا جىلىنا 90 ميلليوننان استام ەۆرو الىپ كەلدٸ. بىلتىر ول جالاقاسى جوعارى فۋتبولشىلار تٸزٸمٸندە بٸرٸنشٸ ورىندا تۇردى. اقپاراتقا قاراعاندا, ارگەنتينالىق فۋتبولشى "بارسەلونادا" قالۋ ٷشٸن جالاقىنى ەكٸ ەسە ازايتۋعا دايىن بولعان, بٸراق كلۋب ونى دا تٶلەي الماي وتىر.
ليونەل مەسسي "بارسەلوناعا" 2000 جىلى 13 جاسىندا كەلگەن. تٶرت جىلدان سوڭ ول كوماندانىڭ نەگٸزگٸ قۇرامىندا وينادى. مەسسي "بارسەلونا" ساپىندا 767 ويىن ٶتكٸزٸپ, 661 گول سوعىپ, 263 نەتيجەلٸ پاس جاساعان. وسى كلۋبپەن ون مەرتە يسپانييا چەمپيونى اتانىپ, جەتٸ مەرتە ەل كۋبوگىن جەڭٸپ العان جەنە تٶرت رەت ۋەفا چەمپيوندار ليگاسىن باعىندىردى. ول "التىن دوپتى" التى مەرتە الدى.
