ارگەنتينادا اباي اتىنداعى كٶشە مەن «قازاقستان رەسپۋبليكاسى» الاڭى اشىلدى, دەپ حابارلايدى قازاقپارات قر سىرتقى ٸستەر مينيسترلٸگٸنە سٸلتەمە جاساپ.
قازاقستان تەۋەلسٸزدٸگٸنٸڭ 30 جىلدىعىن مەرەكەلەۋ شەڭبەرٸندە قازاق اقىنى, ويشىلى جەنە ۇلتتىق ەدەبيەتتٸڭ نەگٸزٸن قالاۋشى اباي قۇنانبايۇلى اتىنداعى كٶشەنٸڭ, سونداي-اق روساريو قالاسىندا «قازاقستان رەسپۋبليكاسى» الاڭىنىڭ رەسمي اشىلۋ رەسٸمٸ ٶتتٸ. وعان قازاقستاننىڭ برازيليياداعى ەلشٸسٸ جەنە ارگەنتينادا قوسا اتقارۋشى بولات نٷسٸپوۆ قاتىستى.
ەلشٸ بولات نٷسٸپوۆ ەل باسشىلىعىنىڭ ۇلتتىق سانا-سەزٸمدٸ, ٶزٸندٸك مەدەني كودتى ساقتاۋ جەنە مەدەني جەتٸستٸكتەردٸ, ونىڭ ٸشٸندە شەتەلدە ٸلگەرٸلەتۋ جٶنٸندەگٸ باستامالارىن ٸسكە اسىرۋدىڭ ماڭىزدىلىعىن ايتتى. سونىمەن قاتار قازاقستان پرەزيدەنتٸ قاسىم-جومارت توقاەۆتىڭ «اباي جەنە ححٸ عاسىرداعى قازاقستان» جەنە «اباي – رۋحاني رەفورماتور» ماقالالارى اياسىندا ابايدىڭ قازاق مەدەنيەتٸن دامىتۋداعى رٶلٸ مەن ونىڭ مۇراسىنىڭ قازٸرگٸ قوعام ٷشٸن ماڭىزدىلىعى ەرەكشە اتاپ ٶتٸلدٸ.
ٶز كەزەگٸندە, قازاقستاننىڭ روساريوداعى قۇرمەتتٸ كونسۋلى گۋستاۆو گۋتيەرەس قازاقستان حالقىنىڭ اباي تۇلعاسىنا بەرەتٸن زور ماڭىزىن ايتىپ, ابايدىڭ ەلەمدٸك مەدەنيەت ٷشٸن شەكسپير, گيوتە, پۋشكين نەمەسە مولەر سيياقتى قۇندىلىعى بار ەكەنٸن جەتكٸزدٸ. گ.گۋتيەرەستٸڭ ايتۋىنشا, اباي كٶشەسٸنٸڭ اشىلۋى ارگەنتينالىقتارعا قازاق حالقىنىڭ تاريحى مەن سالت-دەستٷرلەرٸمەن تانىسۋعا قوسىمشا مٷمكٸندٸك بەرەتٸن بولادى.
«ٸس-شارالار 2019 جىلعى قاراشادا قول قويىلعان مەموراندۋممەن بەلگٸلەنگەن الماتى مەن روساريو قالالارى اراسىنداعى باۋىرلاستىق قاتىناستار شەڭبەرٸندە ٶتتٸ», - دەلٸنگەن قر سٸم مەلٸمەتٸندە.
