ەربٸر ارىزدىڭ ارتىندا ادام تاعدىرى, ونداعان, تٸپتٸ جٷزدەگەن ادامنىڭ مٷددەسٸ تۇر. بۇل تۋرالى بٷگٸن قر باس پروكۋراتۋراسىنىڭ باسشىلىق قۇرامىمەن كەڭەس ٶتكٸزگەن پرەزيدەنت قاسىم-جومارت توقاەۆ ايتتى, دەپ حابارلايدى "ۇلت اقپارات".
كەڭەس بارىسىندا مەملەكەت باسشىسى باقىلاۋشى ورگانداردىڭ قىزمەتكەرلەرٸنە «حالىق ٷنٸنە قۇلاق اساتىن مەملەكەت» تۇجىرىمداماسىن ٸسكە اسىرۋدىڭ ماڭىزدىلىعى تۋرالى ايتتى. وندا ازاماتتاردىڭ ٶتٸنٸشتەرٸمەن جۇمىس ٸستەۋگە ٷلكەن مەن بەرٸلگەنٸن ەسكەرتتٸ.
«پروكۋراتۋرا ورگاندارىنا جىل سايىن تۇرعىنداردان ٶتە كٶپ ارىز-شاعىم كەلٸپ تٷسەدٸ. سوڭعى ٷش جىلدىڭ ٸشٸندە 650 مىڭعا جۋىق شاعىم بەرٸلگەن. ەربٸر ارىزدىڭ ارتىندا ادام تاعدىرى, ونداعان, تٸپتٸ جٷزدەگەن ادامنىڭ مٷددەسٸ تۇر», – دەدٸ پرەزيدەنت.
قاسىم-جومارت توقاەۆ ازاماتتاردىڭ شاعىمدارىنا ناقتى ەرٸ تٷسٸنٸكتٸ جاۋاپ بەرۋ قاجەت ەكەنٸن اتاپ ٶتتٸ.
سونداي-اق مەملەكەت باسشىسى پروكۋراتۋرا قىزمەتٸنٸڭ ماڭىزدى باعىتىنىڭ بٸرٸ رەتٸندە ىقتيمال ەلەۋمەتتٸك نارازىلىق وشاقتارىمەن تيٸمدٸ جۇمىس جٷرگٸزۋ ەكەنٸن ايتتى.
پرەزيدەنت باقىلاۋشى ورگان تٷرلٸ ەلەۋمەتتٸك قاقتىعىستاردىڭ دەسترۋكتيۆتٸ ەلەۋەتٸن تٶمەندەتۋ ٷشٸن الدىن-الۋ شارالارىن قابىلداۋى كەرەك, سونداي-اق, ۋاقىتىلى تٶلەنبەيتٸن جالاقىلاردى, زاڭسىز قىسقارتۋلاردى جەنە ەڭبەك قاتىناستارىنداعى باسقا دا جاعىمسىز ەرەكەتتەردٸ دەر كەزٸندە انىقتاپ, جولىن كەسۋٸ كەرەك دەپ سانايدى.
«ٶتكەن جىلدىڭ ٶزٸندە عانا سٸزدەردٸڭ نەتيجەلٸ جۇمىستارىڭىزدىڭ ارقاسىندا 29 مىڭ قىزمەتكەردٸڭ جالاقىدان قارىز بولعان 2,7 ميلليارد تەڭگە قارجىسى تٶلەندٸ. بۇل جۇمىستى جالعاستىرۋ كەرەك. ەسٸرەسە, كەيبٸر كەسٸپورىنداردا شيەلەنٸستٸڭ ٶرشۋٸ بايقالادى. مۇنداي مەسەلەلەردە ايماقتاعى پروكۋرورلار ناقتى پوزيتسييا ۇستانىپ, بەلسەندٸ ەرەكەتتەرگە بارۋى تيٸس. ەر ٸس بويىنشا وڭتايلى شەشٸم شىعارىپ, زاڭ ٷستەمدٸگٸنە قول جەتكٸزۋ قاجەت. مەنٸڭ تاپسىرمام بويىنشا قازٸر ەكٸمدەر وسى مەسەلەمەن اينالىسىپ جاتىر. بۇل جۇمىسقا پروكۋراتۋرا دا ارالاسۋى تيٸس», – دەدٸ مەملەكەت باسشىسى.
