شەكەرٸم اتىنداعى سەمەي مەملەكەتتٸك ۋنيۆەرسيتەتٸنٸڭ پروفەسسورى, فيلولوگييا عىلىمدارىنىڭ دوكتورى اراپ ەسپەنبەتوۆ قر پرەزيدەنتٸ قاسىم-جومارت توقاەۆتىڭ «اباي جەنە ححٸ عاسىرداعى قازاقستان» اتتى ماقالاسىنا قاتىستى پٸكٸر بٸلدٸردٸ, دەپ حابارلايدى قازاقپارات.
«بۇل – اسقاق اسۋلارعا نۇسقايتىن, قازاقستاندىقتاردى تۇتاس ۇلتتىق يدەياعا جۇمىلدىراتىن باعدارلامالىق ماقالا. ادامزاتتىڭ ابايىنىڭ 175 جىلدىق مەرەيتويى – ورتاق مەرەكە. پرەزيدەنت «كەلەر ۇرپاق ابايدىڭ سارا جولىن جالعاۋى تيٸس. بۇل – ۇلى اقىن ارمانىنىڭ ورىندالۋى. سوندىقتان بٸز ابايدىڭ ويىنان دا, تويىنان دا تاعىلىم الۋعا تيٸسپٸز», – دەپ باستى نازاردى توي تويلاۋعا ەمەس, وي ويلاۋعا بۇرىپ, ىسىراپشىلىقتى, داڭعازالىقتى دوعارۋمىز كەرەكتٸگٸن باسا ەسكەرتتٸ. بٸزدٸڭ مٸندەت – اباي مۇراسىن ناسيحاتتاۋ ارقىلى قازاقتى ەلەمگە تانىتۋ. ۇرپاقتىڭ بويىنا اباي ەڭبەكتەرٸنٸڭ بيٸك تاعىلىمىن سٸڭٸرۋ. اباي تويىنان كەيٸن ۇرپاق ويلانۋى كەرەك. تويدان قانداي ٷلگٸ-ٶنەگە كٶردٸك, جاس بۋىنعا ۇلى اقىننىڭ تەرەڭ ماعىنالى ويلارىن جەتكٸزە الدىق پا? وسىنداي ساۋالدارعا جاۋاپ بەرە الساق توي عيبراتى ايقىندالماق», - دەيدٸ اراپ ەسپەنبەتوۆ.
پروفەسسوردىڭ پٸكٸرٸنشە, مەملەكەت باسشىسى قازاقتىڭ بٸتٸم-بولمىسىن, مەدەنيەتٸن اباي ارقىلى تانىتۋ جايلى سٷبەلٸ وي تاستادى.
«ابايدىڭ گۋمانيستٸك يدەيالارى – ادامزات ٶركەنيەتٸن بايىتۋدىڭ نەگٸزٸ. پرەزيدەنت حالقىمىزدىڭ رۋحاني جەنە مەدەني قۇندىلىقتارىن اباي ارقىلى ناسيحاتتاۋ جايلى كەرەكتٸگٸن ايتتى. راسىمەن دە ۇلى اباي ەلەمدٸك دەڭگەيدەگٸ تۇلعا دەسەك تە ونىڭ شىعارمالارىنىڭ بٷكٸل دٷنيەجٷزٸلٸك دەرەجەدە ەلٸ دە كەڭٸنەن تانىلا قويماۋى بٸزدٸ قاتتى ويلاندىرۋى كەرەك» - دەيدٸ فيلولوگييا عىلىمدارىنىڭ دوكتورى.
ونىڭ ايتۋىنشا, ماقالاداعى سەمەي ٶڭٸرٸنە ايرىقشا كٶڭٸل اۋدارىلۋى قالا جۇرتشىلىعىن قۋانىشقا كەنەلتكەنٸ سٶزسٸز.
«سەمەي ٶڭٸرٸ – الاشتىڭ جٷرەگٸ. يادرولىق سىناقتان كٶز اشپاي اڭىراپ قالعاندا, جاھاندىق جالماۋىزدان قۇتقارعان ەلباسىنا سەمەي حالقىنىڭ مىڭ سان العىسى كٷندە ايتىلادى. سەمەي جۇرتشىلىعى داعدارىس كەزٸنٸڭ ٶزٸندە بەرەكەسٸ قاشپاي, ۇيىمشىلدىق كٶرسەتە بٸلدٸ. بۇل سوناۋ ۇلىلار رۋحىمەن جالعاسىپ جاتقان تەكتٸلٸكتٸڭ بٸر كٶرٸنٸسٸ بولار. ماقالاداعى «ۇلى اباي مەن شەكەرٸمنٸڭ, مۇحتار ەۋەزوۆتٸڭ كٸندٸك قانى تامعان ٶڭٸر ايرىقشا قۇرمەتكە لايىق. وسىعان وراي شاھاردى ەلەۋمەتتٸك-ەكونوميكالىق تۇرعىدان كەشەندٸ تٷردە دامىتىپ, ونداعى تاريحي-مەدەني نىسانداردى جاڭا تالاپقا ساي جاڭعىرتامىز» دەگەن جولدار سەمەي شاھارىنىڭ مەدەني-ەكونوميكالىق جاعىنان جاندانا, كٶركەيە تٷسۋٸنە سەنٸمٸمٸزدٸ نىعايتتى. بٸز بٸر نەرسەگە اسا مەن بەرۋٸمٸز كەرەك! اباي – بٸر عانا رۋ, ٶڭٸر نە بولماسا ەلدٸڭ اقىنى ەمەس! ول – ادامزاتتىڭ ابايى! بارشانى باۋىرىنا باسقان ۇلى تۇلعانىڭ شىعارماشىلىعى ارقىلى بٸز ۇلتتى ۇيىستىرىپ, بەرەكەسٸ مەن دوستىعى جاراسقان بٸرتۇتاس قازاق ەلٸنٸڭ ىنتىماعى مەن بٸرلٸگٸن ارتتىرا تٷسۋگە ەسەلٸ ەڭبەكتەنگەنٸمٸز ابزال», - دەيدٸ اراپ ەسپەنبەتوۆ.
ەسكە سالا كەتسەك, «Egemen Qazaqstan» گازەتٸنٸڭ بٷگٸنگٸ سانىندا قر پرەزيدەنتٸ قاسىم-جومارت توقاەۆتىڭ «اباي جەنە ححٸ عاسىرداعى قازاقستان» اتتى ماقالاسى جارييالانعان بولاتىن.
