قىزىلوردا وبلىسىندا كٸشكەنتاي قىز مارمەلادقا تۇنشىعىپ, دەم جەتپەي قالعان 5 جاسار ٸنٸسٸنە كٶمەكتەستٸ. ونىڭ ەرەكەتٸ ٷيدٸڭ باقىلاۋ كامەراسىنا تٷسٸپ قالعان. ۆيدەونى Instagram جەلٸسٸندەگٸ Zello.aralskk پاراقشاسى جارييالادى, - دەپ حابارلايدى Tengrinews.kz.
وقيعا ارال اۋدانىندا بولعان.
"ارۋجان ەسٸمدٸ قىز ٸنٸسٸ ابزالدىڭ تۇنشىعىپ جاتقانىن بايقاپ, قاقپادان جٷگٸرٸپ شىعادى. ول بٸردەن ونىڭ ارقاسىنان ۇرىپ, سودان كەيٸن ونى اسقازانعا اۋدارىپ, تٶمەن قاراي شايقايدى. باقىتىمىزعا وراي قىزدىڭ العاشقى كٶمەگٸنٸڭ ارقاسىندا بالا امان قالدى", - دەلٸنگەن جازبادا.
"جارايسىڭ قارىنداسىم, ٸنٸڭدٸ امان الىپ قالدىڭ!", "باتىر قىز ەكەن!", "ول كەيدە ٷلكەندەردٸڭ دە قولىنان كەلمەيتٸن ەرلٸك جاسادى!", "جاقسى تەربيە العان قىز عوي", "مەكتەپتە بالالارعا العاشقى مەديتسينالىق كٶمەك كٶرسەتۋدٸ ٷيرەتسە جاقسى بولار ەدٸ", - دەپ جازدى جەلٸ قولدانۋشىلارى.
