YouTube-تە يندونەزيياداعى سۋلاۆەسي ارالىندا 54 جاستاعى ەيەلدٸ جۇتىپ قويعان سەگٸز مەترلٸك پيتوندى جەرگٸلٸكتٸ تۇرعىندار سويىپ جاتقانى تٷسٸرٸلگەن ۆيدەو جارييالاندى, - دەپ جازادى sputniknews.kz.
بٸر توپ ادام الىپ جىلاننىڭ ٸشٸن تٸلٸپ, مەيٸتتٸ سىرتقا شىعاردى. ۆيدەودا ەيەل قوڭىر شالبار مەن كٷڭگٸرت قىزىل كٶيلەك كيگەنٸ كٶرٸنٸپ تۇر. يدونەزييالىقتىڭ دەنەسٸ شىرىشپەن قاپتالعان. بۇل دەگەنٸڭٸز پيتون قورىتۋ پروتسەسٸن باستاعانىن بٸلدٸرەدٸ.
سۋلاۆەسي ارالىنىڭ تۇرعىنى ٷيٸنەن بٸر شاقىرىم جەردەگٸ كٶشەتتەردٸ كٶرٸپ كەلۋگە شىعىپ كەتٸپ, قايتىپ ورالماعان. ەيەل تاڭعا دەيٸن كەلمەگەن سوڭ تۋىستارى دابىل قاعىپتى. ەپكەسٸ ٸزدەۋگە شىعىپ, جەردەن اياق كيٸمٸ مەن شامدى عانا تاپقان.
