سپورت سالاسىنداعى باسشىلار 2024 جىلعى وليمپياداعا دايىندىق مەسەلەلەرٸن تالقىلادى, دەپ حابارلايدى "ۇلت اقپارات" مەدەنيەت جەنە سپورت مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
جيىندا سپورتشىلاردىڭ ٸرٸ حالىقارالىق جارىستاردا كٶرسەتكەن ارالىق نەتيجەلەرٸ, ولاردى دايارلاۋ جٷيەسٸندەگٸ ٶزگەرٸستەر, مەديتسينالىق-بيولوگييالىق قامتاماسىز ەتۋ جەنە دوپينگكە قارسى باعدارلامالار, سونداي-اق ٶڭٸرلەردە وليمپيادالىق سپورت تٷرلەرٸنٸڭ جاي-كٷيٸ مەن دامۋىنا قاتىستى مەسەلەلەر قارالدى.
مەدەنيەت جەنە سپورت مينيسترٸ دەۋرەن اباەۆ وليمپياداعا قاتىسۋعا مٷمكٸندٸك بەرەتٸن ليتسەنزييالار سانىنا ەمەس, مەدالداردىڭ ساپاسىنا نازار اۋدارۋ قاجەت ەكەنٸن ايتتى. سەبەبٸ جالپى كوماندالىق ەسەپ التىن مەدالدار سانى نەگٸزٸندە جٷرگٸزٸلەدٸ.
كەزدەسۋ بارىسىندا مينيستر فەدەراتسييا باسشىلارى مەن جاتتىقتىرۋشىلارعا بٸرقاتار تاپسىرما بەردٸ. مەسەلەن, ەندٸگٸ كەزەكتە قۇراماعا جاستاردى تارتۋ ارقىلى كوماندالاردى جاسارتۋ جەنە حالىقارالىق جارىستارعا ٸرٸكتەۋدٸ بارىنشا اشىق ٶتكٸزۋ بويىنشا جۇمىستى بەلسەندٸ جٷرگٸزۋ قاجەت.
«جوعارى جەتٸستٸكتەر سپورتىن دامىتۋ ٷشٸن ٷلكەن قاراجات بٶلٸنٸپ, قولداۋ كٶرسەتٸلٸپ, قاجەتتٸ جاعدايلار جاسالىپ جاتىر. دەگەنمەن مينيسترلٸك قايىرىمدىلىقپەن اينالىسپايدى. سوندىقتان ەر تەڭگە ٷشٸن قاتاڭ سۇراۋ بولادى. مۇنى وسىندا وتىرعان ەرقايسىسىڭىز ەستە ساقتاۋعا تيٸسسٸزدەر. جوعارى جەتٸستٸكتەر سپورتى ناقتى نەتيجەلەرگە نەگٸزدەلەدٸ, قالعانى – دەنە شىنىقتىرۋ. سوندىقتان بٸزگە جاڭا جەڭٸستەر كەرەك», – دەدٸ دەۋرەن اباەۆ.
جيىن بارىسىندا سپورتتى دامىتۋ ديرەكتسيياسىنىڭ ديرەكتورى ورالباي جاقسىمبەتوۆ پاريجدە 329 مەدال جيىنتىعى ساراپقا سالىناتىنىن ايتتى (توكيودا 339 مەدال جيىنتىعى وينالعان ەدٸ).
ايتا كەتەيٸك, ەلٸمٸزدٸڭ قۇراما كوماندالارى جىل باسىنان بەرٸ 19 ەلەم چەمپيوناتىنا جەنە 20 ازييا چەمپيوناتىنا قاتىسىپ, 140 مەدال جەڭٸپ الدى: ونىڭ ٸشٸندە 35 التىن, 40 كٷمٸس, 65 قولا بار. 2022 جىلدىڭ سوڭىنا دەيٸن بٸزدٸڭ سپورتشىلار تاعى 3 ەلەم چەمپيوناتىنا جەنە 3 ازييا چەمپيوناتىنا قاتىسپاق.
«قۇراما كوماندا قاتارىنا سپورتشىلاردى ٸرٸكتەۋ رەسٸمدەرٸنٸڭ اشىق ٶتۋٸ ماڭىزدى. بۇل بٸزدٸڭ باستى نازارىمىزدا بولادى. الداعى ۋاقىتتا مينيسترلٸك سپورتشىلاردىڭ بارلىق جەتٸستٸكتەرٸن, جارىستارعا قاتىسۋ كەستەسٸن باقىلاۋعا مٷمكٸندٸك بەرەتٸن ە-sport جٷيەسٸن ٸسكە قوسادى. ەدٸلەتتٸلٸك پەن اشىقتىق ماڭىزدى, سپورت جٷيەسٸندە سالاۋاتتى بەسەكەلەستٸك بولۋى تيٸس», – دەدٸ دەۋرەن اباەۆ.
مينيستر سپورت باسقارمالارىنىڭ باسشىلارىنا وليمپيادالىق سپورت تٷرلەرٸنٸڭ باسىمدىلىعىن ەسكەرە وتىرىپ, جوعارى سپورت شەبەرلٸگٸ مەكتەپتەرٸنٸڭ جۇمىس ٸستەۋ قاعيداتتارى مەن تەسٸلدەرٸن قايتا قاراۋدى, فەدەراتسييالارمەن بٸرلەسٸپ, سپورت رەزەرۆٸن دايىنداۋدىڭ بٸرىڭعاي ستاندارتىن جەنە وقىتۋ باعدارلامالارىن ەزٸرلەۋدٸ تاپسىردى.
ٷش جارىم ساعاتقا سوزىلعان جيىندا سپورتتىق مەديتسينا جەنە وڭالتۋ ورتالىعىنىڭ ديرەكتورى ازامات نۇرماتوۆ, ۇلتتىق دوپينگكە قارسى ورتالىقتىڭ ديرەكتورى مايرا باقاشەۆا, سپورت باسقارمالارىنىڭ باسشىلارى, سپورت تٷرلەرٸ بويىنشا فەدەراتسييا ٶكٸلدەرٸ جەنە باسقا دا جاۋاپتى تۇلعالار جۇمىس نەتيجەلەرٸ تۋرالى باياندادى.
