الماتى مەكتەپتەرٸندە ونلاين سوڭعى قوڭىراۋ سىڭعىرلادى. ەستەن كەتپەيتٸن ەرەكشە شارا تۋرالى يااساۋي اتىنداعى №123 مەكتەپ ديرەكتورىنىڭ وقۋ ٸسٸ بويىنشا ورىنباسارى, Bek Air ۇشاق اپاتىندا امان قالعان نازىم اباعانوۆا مامىربەكقىزى ويىمەن بٶلٸستٸ, دەپ حابارلايدى قازاقپارات.
ونىڭ ايتۋىنشا, كارانتين اياسىندا 2 ايلىق ونلاين بٸلٸم بەرۋ فورماتى ەلدەگٸ بٸلٸم سالاسى ٷشٸن ٷلكەن سىناق بولدى.
«ونلاين بٸلٸم بەرۋ بولاشاقتىڭ ەنشٸسٸندەگٸ دٷنيە بولعانمەن, بٷگٸن ەرتەڭ كەلەرٸ انىق ەدٸ. الايدا اياق استىنان وسى فورماتقا كٶشۋ بٸزدەر ٷشٸن ٷلكەن تەجٸريبە بولعانى راس. ەكٸنشٸ جاعىنان جاڭا جٷيەنٸڭ كەمشٸلٸكتەرٸ, ولقى تۇستارىن پايىمدادىق. ونلاين وقىتۋدىڭ قانداي تيٸمدٸ تۇستارى بارىن, ەلدە دە قاي جاعىنان دامىتۋ كەرەكتٸگٸن تٷسٸندٸك. بۇل ٷلكەن جۇمىس, اۋقىمدى شارا – مۇعالٸمدەردٸڭ ەڭبەگٸن ايقىن كٶرسەتتٸ. وعان كٶپتەگەن اتا-انالارىمىزدىڭ حاتتارى, حابارلامالارى كۋە بولا الادى. مەكتەپ قابىرعاسىندا جٷرگەندەي بولماسا دا, بارىنشا بٸلٸم نەرٸمەن سۋسىنداتۋعا تىرىستىق. بۇل جەردە بالانىڭ وبەكتيۆتٸ بٸلٸم العانى تەك مۇعالٸمگە بايلانىستى ەمەس, اتا-انانىڭ دا مٷددەسٸ بولىپ تابىلادى. كٶپتەگەن اتا-انالار بالالارىنىڭ بٸلٸمٸنٸڭ قاي جاعىنان باسىمدىق بەرۋٸن تٷسٸندٸدەپ ويلايمىن», - دەدٸ نازىم اباعانوۆا.
پەداگوگ مەكتەپتەردەگٸ سوڭعى قوڭىراۋدىڭ ماڭىزدىلىعىن دا اتاپ ٶتتٸ. 38 جىل بويى بٸلٸم سالاسىندا قىزمەت ەتٸپ كەلە جاتقان نازىم اباعانوۆا وقۋشىلارىنا بەتپە-بەت جىلى لەبٸز بٸلدٸرە الماعانىنا كٶڭٸلٸ بوسايتىنىن ايتتى.
«سوڭعى قوڭىراۋدا بارلىعىمىزدىڭ كٶڭٸلٸمٸز بوساعانى انىق. ەر سىنىپ Zoom قوسىمشاسى ارقىلى جەكە-جەكە سوڭعى قوڭىراۋ شاراسىن ٶتكٸزدٸ. بٸزدٸڭ مەكتەپتە 2500-دەن اسا وقۋشى بٸلٸم الىپ جاتىر. ال مەكتەپتٸ 98 بالا بٸتٸرٸپ, قاناتىن قاعىپ ٷلكەن ٶمٸرگە جولداما الىپ جاتىر. ولاردىڭ اتتەستات الۋ سالتاناتى ماۋسىمنىڭ 3-4 كٷندەرٸنە جوسپارلانعان. ەپيدەميولوگييالىق تالاپتارعا سەيكەس 50 بالادان اسا جينالۋعا بولمايتىندىقتان, بٸز اتتەستات تاپسىرۋ شاراسىن 2 كٷنگە بٶلدٸك. قر بعم بۇيرىعىنا سەيكەس, ٷلكەن اۋديتورييا, مەرەكەلٸك ساۋىق كەشتەرٸ بولمايدى», - دەدٸ نازىم اباعانوۆا.
