اتاۋلى ەلەۋمەتتٸك كٶمەكتٸڭ جاڭا تٷرٸ ەلٸمٸزدٸڭ ٷش ٶڭٸرٸندە 21 مىڭ تەڭگەدەن ارتىق بولادى. سەبەبٸ ول جەرلەردە كٷنكٶرٸستٸڭ دەڭگەيٸ جوعارى, دەپ حابارلايدى قازاقپارات تٸلشٸسٸ.
قر ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ سۆەتلانا جاقىپوۆانىڭ ايتۋىنشا, 1 سەۋٸردەن باستاپ كٶپبالالى وتباسىلار ٷشٸن تاعايىندالاتىن جەردەماقىنىڭ كٶلەمٸ ەربٸر بالاعا 20 789 مىڭ تەڭگە بولادى. اتالعان كٶرسەتكٸش بارلىعىنا ورتاق. بٸراق ٷش ٶڭٸردە ەسەپ-قيساپ باسقاشا جٷرگٸزٸلەدٸ.
«قازٸر ستاتيستيكانى اشىپ قاراساڭىز, بٸزدە ٷش ٶڭٸردە كٷنكٶرٸس دەڭگەيٸ باسقاشا. ول - استانا, الماتى مەن ماڭعىستاۋ وبلىسى. وسى ٷش ٶڭٸردە جەردەماقى سەل جوعارىلاۋ بولادى. قالعان وبلىستاردا ەربٸر بالاعا 20 789 تەڭگەدەن تٶلەنەدٸ», - دەدٸ س.جاقىپوۆا قازاقپارات تٸلشٸسٸنە بەرگەن سۇحباتىندا.
ايتا كەتەيٸك, بۇعان دەيٸن قر ەڭبەك جەنە حالىقتى ەلەۋمەتتٸك قورعاۋ مينيسترٸ بەردٸبەك ساپارباەۆ استاناداعى اتاۋلى ەلەۋمەتتٸك كٶمەكتٸڭ كٶلەمٸن جارييالاعان بولاتىن.
«اتاۋلى ەلەۋمەتتٸك كٶمەككە كەلسەك, مەملەكەت باسشىسى ناقتى تاپسىرما بەردٸ, بۇرىن جانۇيانىڭ ەربٸر مٷشەسٸنە تابىستى ەسەپتەگەندە (كٷنكٶرٸس مينيمۋمنىڭ - اۆت.) 50 پايىزدىڭ دەڭگەيٸندە بولسا, ەندٸ ونى 70 پايىزعا كٶبەيتەدٸ. ەگەر بۇرىن 14 849 تەڭگە بولسا, 1 سەۋٸردەن باستاپ ونىڭ كٶلەمٸ 20 789 تەڭگەگە كٶتەرٸلەدٸ. ال ەندٸ استانا قالاسىندا باسقا ٶڭٸرلەرمەن سالىستىرعاندا ورتاشا جالاقى جوعارى, سوندىقتان 21 698 تەڭگەگە دەيٸن كٶتەرٸلەدٸ. بٸزدٸڭ بولجامىمىز بويىنشا وسى شارامەن, كەم دەگەندە, 830 مىڭ قازاقستاندىق قامتىلادى. ال استانا قالاسىندا, بۇل كەم دەگەندە, 6 700-گە جۋىق», - دەدٸ ب.ساپارباەۆ استاناداعى كٶپبالالى انالارمەن بولعان كەزدەسۋدە.
اقپاننىڭ سوڭىندا Nur Otan پارتيياسىنىڭ XVIII سەزٸندە قر تۇڭعىش پرەزيدەنتٸ - ەلباسى نۇرسۇلتان نازارباەۆ كٶپبالالى وتباسىلاردا ەربٸر بالانىڭ تٶلەماقىسىن 21 مىڭ تەڭگەگە دەيٸن ارتتىرۋدى تاپسىردى. وسىدان كەيٸن ەلباسى اتالعان شارالاردى 1 سەۋٸردەن باستاۋدى مٸندەتتەدٸ.
