اقتٶبە وبلىسىندا ماس كٷيٸندە كٶلٸك جٷرگٸزگەنٸ ٷشٸن سوتتالعان 33 جاستاعى ەر ادام ۋاقىتشا ۇستاۋ يزولياتورىنان قاشىپ كەتتٸ. ول عيماراتتىڭ شاتىرىنا شىعىپ, تٸكەنەك سىمنان اسىپ ٶتكەن. الايدا بوستاندىقتا ۇزاق جٷرە المادى, دەپ حابارلايدى ult.kz.
«دياپازون» مەلٸمەتٸنشە, قارعالى اۋدانىنىڭ تۇرعىنى بۇعان دەيٸن كٶلٸك جٷرگٸزۋ قۇقىعىنان ايىرىلعان. سوعان قاراماستان, ول قايتادان ماس كٷيٸندە رٶلگە وتىرعان. سوت وعان باس بوستاندىعىنان ايىرۋ جازاسىن تاعايىنداعان.
ٷكٸم شىققاننان بٸرنەشە كٷن ٶتكەن سوڭ ەر ادام بادامشا اۋىلىنداعى قارعالى اۋداندىق پوليتسييا بٶلٸمٸنٸڭ ۋۇي-دان قاشقان.
سوت ماتەريالدارىنا سەيكەس, كەشكٸ سەرۋەن كەزٸندە ول اۋلا ەسٸگٸندەگٸ اسپالى قۇلىپتى اشىپ, باسقا اۋلاعا ٶتكەن. كەيٸن قابىرعادان شىعىپ تۇرعان ۇلۋتاس بٶلٸگٸن يتەرٸپ, ارماتۋرانى سىندىرىپ, شاتىرعا كٶتەرٸلگەن. وسىدان سوڭ تٸكەنەك سىمنان اسىپ, يزولياتور اۋماعىنان شىعىپ كەتكەن.
ەر ادام كەمپٸرساي اۋىلىنا قاراي جاياۋ بەت الىپ, كەيٸن اقتٶبەگە بارا جاتقان كٶلٸككە وتىرعان. الايدا قالاعا جەتە المادى. پوليتسييا ونى سول كٷنٸ ۇستادى.
سوتتا سوتتالعان ادام كٸنەسٸن تولىق مويىندادى.
قاشقانى ٷشٸن ول قر قىلمىستىق كودەكسٸنٸڭ 426-بابى بويىنشا 1,5 جىلعا باس بوستاندىعىنان ايىرىلدى. بۇعان قوسا, الدىڭعى ٷكٸم بويىنشا ٶتەلمەگەن جازا مەرزٸمٸ ەسكەرٸلٸپ, تٷپكٸلٸكتٸ 2 جىلعا باس بوستاندىعىنان ايىرۋ جازاسى تاعايىندالدى.
