اقتٶبە وبلىسىندا ەر ادام تانىسىنىڭ ۇيالى تەلەفونى ارقىلى ٶز ەسەپشوتىنا زاڭسىز تٷردە 1 ميلليون تەڭگە اۋدارىپ العان, دەپ حابارلايدى ult.kz.
پوليتسييانىڭ مەلٸمەتٸنشە, 41 جاستاعى كٷدٸكتٸ تانىسىمەن بٸرگە سپيرتتٸك ٸشٸمدٸك ٸشٸپ وتىرعان. وسى سەتتٸ پايدالانعان ول تانىسىنىڭ نازارى باسقا جاققا اۋعاندا ونىڭ تەلەفونىن الىپ, بانك قوسىمشاسىنا كٸرٸپ, ٶز شوتىنا 1 ميلليون تەڭگە اۋدارعان.
جەبٸرلەنۋشٸ قارجىنىڭ جوعالعانىن بٸرنەشە كٷننەن كەيٸن بانك وپەراتسييالارىن تەكسەرۋ كەزٸندە عانا بايقاپ, بٸردەن پوليتسيياعا ارىزدانعان.
جەدەل-ٸزدەستٸرۋ شارالارى بارىسىندا پوليتسەيلەر كٷدٸكتٸنٸڭ جەكە باسىن انىقتاپ, ونى پوليتسييا بٶلٸمٸنە جەتكٸزدٸ. تەرگەۋ كەزٸندە ەر ادام كٸنەسٸن تولىق مويىنداپ, زاڭسىز يەمدەنگەن قاراجاتتى جەكە قاجەتتٸلٸگٸنە جۇمساپ ٷلگەرگەنٸن ايتقان.
اتالعان فاكتٸ بويىنشا ۇرلىق دەرەگٸمەن سوتقا دەيٸنگٸ تەرگەپ-تەكسەرۋ امالدارى جٷرگٸزٸلٸپ جاتىر.
