اقتٶبە وبلىسىندا ينتەرنەت جەنە تەلەفون الاياقتارىنان تٷسكەن قاراجاتتى كريپتوۆاليۋتا ارقىلى زاڭداستىرعان قىلمىستىق توپتىڭ قىزمەتٸ ەشكەرەلەندٸ. قازٸرگٸ ۋاقىتتا توپتىڭ سەگٸز مٷشەسٸ قاماۋعا الىندى, دەپ حابارلايدى ult.kz.
قارجى مونيتورينگٸ اگەنتتٸگٸنٸڭ اقتٶبە وبلىسى بويىنشا دەپارتامەنتٸ ينتەرنەت-الاياقتىققا جەردەمدەسۋ, زاڭسىز كەسٸپكەرلٸك, دروپپەرلٸك قىزمەتتٸ ۇيىمداستىرۋ جەنە قىلمىستىق جولمەن الىنعان كٸرٸستەردٸ زاڭداستىرۋ فاكتٸلەرٸ بويىنشا سوتقا دەيٸنگٸ تەرگەۋ جٷرگٸزٸپ جاتىر.
تەرگەۋ مەلٸمەتٸنشە, قىلمىستىق توپ اقتٶبە اۋماعىندا ازاماتتاردان تەلەفون جەنە ينتەرنەت-الاياقتىق ارقىلى جىمقىرىلعان قاراجاتتى قابىلداپ, ونى كونۆەرتاتسييالاۋ جەنە زاڭداستىرۋدىڭ تۇراقتى سحەماسىن ۇيىمداستىرعان. توپ قۇرامىندا وننان استام ادام بولعان, ال قىلمىستىق ەرەكەتكە 150-دەن استام دروپپەر تارتىلعان.
ۆەدومستۆونىڭ مەلٸمەتٸنشە, كٷدٸكتٸلەر بانك قوسىمشالارى مەن كريپتوەميياندار ورناتىلعان ۇيالى تەلەفونداردى پايدالانىپ, دروپپەرلەردٸڭ ەسەپشوتتارىن قاشىقتان باسقارعان. سونىڭ ارقاسىندا قارجىلىق وپەراتسييالار ولاردىڭ تٸكەلەي قاتىسۋىنسىز جٷزەگە اسىرىلىپ وتىرعان.
بلوكچەيندٸ تالداۋ قۇرالدارىنىڭ كٶمەگٸمەن قۇقىق قورعاۋ ورگاندارى اقشانى جىلىستاتۋدىڭ تولىق تٸزبەگٸن انىقتادى. الدىمەن جەبٸرلەنۋشٸلەردٸڭ قاراجاتى ترانزيتتٸك بانكتٸك شوتتار ارقىلى ٶتكٸزٸلٸپ, كەيٸن باقىلاۋداعى دروپپەرلەردٸڭ ەسەپشوتتارىنا اۋدارىلعان. ودان ەرٸ بۇل قاراجات كريپتوۆاليۋتا پلاتفورمالارى ارقىلى USDT تسيفرلىق اكتيۆتەرٸن ساتىپ الۋعا جۇمسالعان.
زاڭسىز وپەراتسييالارعا زاڭدى سيپات بەرۋ ٷشٸن جالعان قارىز شارتتارى مەن جالعان كومپانييالار پايدالانىلعان. سحەمانىڭ سوڭعى كەزەڭٸندە قىلمىستىق كٸرٸستەر قولما-قول اقشاعا اينالدىرىلىپ, كەيٸن شەتەل ۆاليۋتاسىنا ايىرباستالعان.
قازٸرگٸ ۋاقىتتا ەلٸمٸزدٸڭ 16 ٶڭٸرٸنەن 80 جەبٸرلەنۋشٸ انىقتالدى. الدىن الا ەسەپ بويىنشا كەلتٸرٸلگەن شىعىن كٶلەمٸ 120 ميلليون تەڭگەدەن اسادى.
قىلمىستىق توپتىڭ 8 مٷشەسٸ قاماۋعا الىندى, تاعى ەكٸ كٷدٸكتٸ ٷيقاماققا الىندى. سوت سانكتسيياسىمەن كٷدٸكتٸلەرگە تيەسٸلٸ 8 پەتەرگە, بٸر اۆتوكٶلٸككە جەنە 52 مىڭ USDT كٶلەمٸندەگٸ تسيفرلىق اكتيۆكە تىيىم سالىندى.
قازٸر سوتقا دەيٸنگٸ تەرگەۋ جالعاسىپ جاتىر. قر قىلمىستىق-پروتسەستٸك كودەكسٸنٸڭ 201-بابىنا سەيكەس ٶزگە مەلٸمەتتەر جارييا ەتٸلمەيدٸ.
ەسكە سالايىق, بۇعان دەيٸن Sax Invest قارجى پيراميداسىن ۇيىمداستىرۋشىلاردىڭ 7 جىلعا باس بوستاندىعىنان ايىرىلعانى حابارلانعان بولاتىن.
