2026 جىلدىڭ 3-11 ماۋسىم ارالىعىندا اقتٶبەدە «ۆلاديمير دۆوركوۆيچتٸ ەسكە الۋ – Aktobe Open 2026» حالىقارالىق شاحمات تۋرنيرٸ ٶتۋدە. جارىسقا ەلەمنٸڭ 21 ەلٸنەن – ارمەنييا, ەزەربايجان, بولگارييا, قىتاي, حورۆاتييا, انگلييا, ٷندٸستان, يران, قازاقستان, قىرعىزستان, نورۆەگييا, رۋمىنييا, رەسەي, سلوۆەنييا, سەربييا, شۆەتسييا, تەجٸكستان, تٷرٸكمەنستان, تٷركييا, ۋكراينا جەنە اقش-تان 210 قاتىسۋشى جينالدى.
تۋرنير ۇيىمداستىرۋشىلارى: حالىقارالىق شاحمات فەدەراتسيياسى (فيدە), قازاقستان رەسپۋبليكاسى تۋريزم جەنە سپورت مينيسترلٸگٸ, قازاقستان شاحمات فەدەراتسيياسى جەنە اقتٶبە وبلىسىنىڭ ەكٸمدٸگٸ. جارىستىڭ باس سەرٸكتەستەرٸ – Freedom Holding Corp. جەنە اقتٶبە مىس كومپانيياسى. تۋرنير سەرٸكتەستەرٸ: Herbalife جەنە قازاقستان تەننيس فەدەراتسيياسى. جارىس ٶتەتٸن ورىن – مەڭگٸلٸك ەل كٶشەسٸ, 2 مەكەنجايىندا ورنالاسقان «اسە» تەننيس ورتالىعى.
فوتو: ۇيىمداستىرۋشىلاردان
فەستيۆال ٶزارا تەۋەلسٸز ەكٸ جارىستان تۇرادى: Masters تۋرنيرٸنە رەيتينگٸ 2400 جەنە ودان جوعارى 81 شاحماتشى قاتىسسا, Open تۋرنيرٸندە رەيتينگٸ 2400-گە دەيٸنگٸ 129 ويىنشى سىنعا تٷسەدٸ. ەكٸ تۋرنير دە شۆەيتسارييالىق جٷيە بويىنشا 9 تۋردان ٶتكٸزٸلەدٸ, ۋاقىت باقىلاۋى – كلاسسيكالىق (90+30). Masters تۋرنيرٸ FIDE Circuit 2026-2027 قاتارىنا ەنگەن.
جالپى 210 قاتىسۋشىنىڭ اراسىندا 25 حالىقارالىق گروسسمەيستەر (GM) جەنە ەيەلدەر اراسىنداعى 1 حالىقارالىق گروسسمەيستەر (WGM) بار. ٷزدٸك ويىنشىلاردىڭ كٶشٸن ۆان حاو (قىتاي, رەيتينگٸ 2684) مەن اندرەي ەسيپەنكو (فيدە, 2684), سونداي-اق 2023 جىلعى ەۋروپا چەمپيونى ەرٸ Aktobe Open - 2025 جەڭٸمپازى الەكسەي سارانا (سەربييا, 2668), راپيدتەن 2018 جىلعى ەلەم چەمپيونى دانييل دۋبوۆ (2649), 2018 جىلعى ەۋروپا چەمپيونى يۆان شاريچ (حورۆاتييا, 2624), الەكساندر پرەدكە (سەربييا, 2616) جەنە انتون دەمچەنكو (سلوۆەنييا, 2611) باستاپ تۇر.
قازاقستان نامىسىن گروسسمەيستەرلەر دەنيس ماحنيوۆ (2551), قازىبەك نٶگەربەك (2513), رامازان جالماحانوۆ (2478) جەنە ەدگار مامەدوۆ (2464) قورعايدى.
Masters تۋرنيرٸنٸڭ كەپٸلدٸك بەرٸلگەن جٷلدە قورى 45 ملن تەڭگەنٸ (شامامەن 90 000 اقش دوللارى) قۇرايدى, ونىڭ ٸشٸندە جەڭٸمپاز 9 ملن تەڭگە (شامامەن 18 000 دوللار) يەلەنەدٸ, ال Open تۋرنيرٸنٸڭ جٷلدە قورى – 5 ملن تەڭگە (شامامەن 10 000 دوللار), مۇندا بٸرٸنشٸ ورىن ٷشٸن 1,35 ملن تەڭگە (شامامەن 2700 دوللار) قاراستىرىلعان.
«ۆلاديمير دۆوركوۆيچتٸ ەسكە الۋ – Aktobe Open 2026» تۋرنيرٸ ەرلەر مەن ەيەلدەر اراسىنداعى كلاسسيكالىق شاحماتتان 2026 جىلعى قازاقستان كۋبوگى جارىستارىنىڭ تٸزبەگٸن اشادى. Kazakhstan Chess Cup 2026 تۋرنيرٸنٸڭ فينالى ەڭ مىقتى 12 ويىنشىنىڭ قاتىسۋىمەن 1–13 جەلتوقسان ارالىعىندا ٶتەدٸ.
فوتو: ۇيىمداستىرۋشىلاردان
جارىسقا بٷكٸل سانالى عۇمىرىن شاحماتقا ارناعان حالىقارالىق تٶرەشٸ ۆلاديمير ياكوۆلەۆيچ دۆوركوۆيچتٸڭ ەسٸمٸ بەرٸلۋٸ تۋرنيردٸڭ مەن-ماڭىزىن ارتتىرا تٷستٸ. سالتاناتتى اشىلۋ رەسٸمٸندە ونىڭ ۇلى, فيدە پرەزيدەنتٸ اركاديي دۆوركوۆيچ سٶز سٶيلەدٸ:
«بۇل تۋرنيردٸڭ مەن ٷشٸن ورنى بٶلەك. ەكەم شاحماتقا بٷكٸل ٶمٸرٸن ارنادى. ول تٶرەشٸ, ۇيىمداستىرۋشى جەنە وسى ويىنعا شىن عاشىق جان بولدى. جىل سايىن دەڭگەيٸ ارتىپ, مىقتى ويىنشىلاردى جيناپ جاتقان دودانىڭ ونىڭ ەسٸمٸمەن اتالۋى, ەكەمنٸڭ ارۋاعىنا دەگەن ەڭ ٷلكەن قۇرمەت. ويىنشىلار تٸزٸمٸنە قاراپ, تۋرنيردٸڭ اۋقىمى ٶسٸپ كەلە جاتقانىن كٶرۋگە بولادى. جارىستىڭ جىلدان-جىلعا بەدەلٸ ارتىپ جاتقانى قۋانتادى. بۇل – شاحماتشىلاردىڭ وسى جەرگە كەلگٸسٸ كەلەتٸنٸنٸڭ ايقىن بەلگٸسٸ. بٷگٸندە قازاقستان شاحماتتىڭ دامۋ قارقىنى بويىنشا ەلەمدٸك كٶشباسشىلاردىڭ بٸرٸنە اينالدى. مۇندا ينفراقۇرىلىم سالىنىپ, جوعارى دەڭگەيدەگٸ تۋرنيرلەر ٶتٸپ جاتىر, جاس ويىنشىلار تەربيەلەنۋدە. بۇل قۇر سٶز ەمەس – بۇل كٶپجىلدىق جٷيەلٸ جۇمىستىڭ جەمٸسٸ جەنە Aktobe Open سونىڭ ايقىن كٶرٸنٸسٸ».
جارىستىڭ ٶڭٸرلٸك بيلٸك تاراپىنان بەلسەندٸ قولداۋ تاۋىپ وتىرعانىن ەرەكشە اتاپ ٶتكەن جٶن. اشىلۋ سالتاناتىندا اقتٶبە وبلىسىنىڭ ەكٸمٸ اسحات شاحاروۆ قاتىسۋشىلاردى قۇتتىقتادى:
«اقتٶبە ٶڭٸرٸ ٷشٸن مۇنداي دەڭگەيدەگٸ حالىقارالىق جارىستى قابىلداۋ – ٷلكەن مەرتەبە ەرٸ زور جاۋاپكەرشٸلٸك. بيىل فەستيۆالگە ەلەمنٸڭ تٷكپٸر-تٷكپٸرٸنەن كەلگەن سپورتشىلار قاتىسىپ وتىر. قاتىسۋشىلار قۇرامىنىڭ جىلدان-جىلعا كٷشەيۋٸ تۋرنيردٸڭ حالىقارالىق بەدەلٸنٸڭ ارتىپ كەلە جاتقانىن كٶرسەتەدٸ. مەملەكەت باسشىسى ينتەللەكتۋالدى سپورتتى دامىتۋعا ەرەكشە كٶڭٸل بٶلٸپ كەلەدٸ. شاحمات – جاستاردى بٸلٸمگە, تەرتٸپكە جەنە تاباندىلىققا تەربيەلەيتٸن ماڭىزدى سپورت تٷرٸ. سوندىقتان بٸز بۇل باعىتتاعى جۇمىستاردى الداعى ۋاقىتتا دا قولداي بەرەمٸز», – دەدٸ اقتٶبە وبلىسىنىڭ ەكٸمٸ اسحات شاحاروۆ.
ايماق باسشىسى سونداي-اق تۋرنيردٸڭ ۆلاديمير دۆوركوۆيچتٸڭ ەسٸمٸمەن اتالۋىندا ەرەكشە مەن بار ەكەنٸن اتاپ ٶتتٸ. كەزٸندە ەڭبەك جولىن اقتٶبەدە باستاعان كٶرنەكتٸ حالىقارالىق اربيتردٸڭ مۇراسىن دەرٸپتەۋ - شاحماتتاعى دەستٷر مەن ساباقتاستىقتىڭ جارقىن كٶرٸنٸسٸ.
فوتو: ۇيىمداستىرۋشىلاردان
تۋرنيردٸڭ ٸشكٸ قۇرىلىمى مەن ونىڭ قازاقستاندىق شاحماتقا تيگٸزەر پايداسى تۋرالى قازاقستان شاحمات فەدەراتسيياسىنىڭ بٸرٸنشٸ ۆيتسە-پرەزيدەنتٸ دەرمەن سەدۋاقاسوۆ بايانداپ بەردٸ:
«Aktobe Open ەلدەقاشان ايماقتىق تۋرنير دەڭگەيٸنەن اسىپ تٷستٸ. ەلەمدٸك دەڭگەيدەگٸ گروسسمەيستەرلەر بۇل جەرگە ماقساتتى تٷردە كەلەدٸ, ٶيتكەنٸ مۇندا ۇيىمداستىرۋ جۇمىستارىنىڭ جوعارى, قۇرامنىڭ مىقتىلىعىن جەنە شاحماتقا دەگەن كٶزقاراستىڭ سالماقتى ەكەنٸن جاقسى بٸلەدٸ. بٸراق بٸز ٷشٸن تاعى بٸر جايت ٶتە ماڭىزدى. بٸز تۋرنير فورماتىن ەرتٷرلٸ دەڭگەيدە جۇمىس ٸستەيتٸندەي ەتٸپ جٷيەلەدٸك. Masters كەزەڭٸندە رەيتينگٸ 2400-دەن جوعارى قازاقستاندىق جاس ويىنشىلار ەلەمدٸك ەليتا گروسسمەيستەرلەرٸمەن توعىز پارتييا وينايدى – بۇل ەشقانداي وقۋ-جاتتىعۋ جيىنى الماستىرا المايتىن مەكتەپ. ال Open تۋرنيرٸندە ايماقتاردان كەلگەن شاحماتشىلار مٷمكٸندٸككە يە بولادى. ولار ٶز ٷيٸندە وتىرىپ-اق حالىقارالىق دەڭگەيدەگٸ مىقتى بەسەكەگە تٷسەدٸ. سول ٷشٸن وسىنداي اۋقىمدى تۋرنيرلەردٸ ٶتكٸزۋدٸڭ مەنٸ زور. اقتٶبە بيىل شاحمات ەلەمٸنٸڭ ناعىز تارتىلىس ورتالىعىنا اينالدى. بۇل – قر تۋريزم جەنە سپورت مينيسترلٸگٸنٸڭ, قازاقستان شاحمات فەدەراتسيياسىنىڭ, اقتٶبە وبلىسى ەكٸمدٸگٸنٸڭ جەنە بارلىق سەرٸكتەستەردٸڭ بٸرلەسكەن ٷلكەن جۇمىسىنىڭ نەتيجەسٸ. وسى دەستٷردٸڭ نىعايىپ كەلە جاتقانىن كٶرۋ ٷلكەن قۋانىش».
وسىمەن التىنشى رەت ٶتٸپ جاتقان Aktobe Open تۋرنيرٸ قازاقستاندا شاحماتتى دامىتۋ ٶڭٸرلەردٸ جٷيەلٸ قولداۋدان باستالاتىنىن ايقىن دەلەلدەيدٸ. مەملەكەت, فەدەراتسييا, جەرگٸلٸكتٸ بيلٸك پەن سەرٸكتەستەر بٸر باعىتتا جۇمىس ٸستەگەندە, ەلەمدٸك دەڭگەيدەگٸ تۋرنيرلەر تەك ٸرٸ ورتالىقتاردا عانا ەمەس, بۇعان ماقساتتى ەرٸ دەيەكتٸ تٷردە جاعداي جاسالعان ٶڭٸرلەردە دە بوي كٶتەرەدٸ. دەل وسىنداي تەسٸل جەكەلەگەن جارىستى يگٸ دەستٷرگە, ال دەستٷردٸ تۇتاس بٸر ايماقتىڭ ٶسۋ نٷكتەسٸنە اينالدىرادى.
