اقتاۋدا ەر ادام ەيەلٸنە پىشاقپەن شابۋىل جاساپ, ٶلتٸرمەك بولدى دەگەن كٷدٸكپەن قاماۋعا الىندى. بۇل تۋرالى Lada.kz پورتالى حابارلادى, دەپ حابارلايدى ult.kz.
ەلەۋمەتتٸك جەلٸلەردە تاراعان اقپاراتقا سەيكەس, وقيعا 14 شٸلدە كٷنٸ اقتاۋ قالاسىنداعى 14-شاعىناۋداندا تاڭعى ساعات 04:00–06:00 ارالىعىندا بولعان.
جەبٸرلەنۋشٸنٸڭ تۋىستارىنىڭ ايتۋىنشا, ەيەل كٷيەۋٸمەن اجىراسۋ پروتسەسٸندە جٷرگەن. ەرلٸ-زايىپتى تٶرت بالا تەربيەلەپ وتىر. ولاردىڭ سٶزٸنشە, كٷدٸكتٸ بۇعان دەيٸن ەيەلٸنە بٸرنەشە رەت قوقان-لوقى جاساپ, ٶزٸن, بالالارىن جەنە جاقىندارىن ٶلتٸرەتٸنٸن ايتىپ قورقىتقان. وقيعا بولعان كٷنٸ دە ەيەلدٸ بالالارىن سىلتاۋ ەتٸپ سىرتقا شاقىرعان.
– ەپكەم كەزدەسۋگە باردى. سول جەردە ونى اياۋسىز سوققىعا جىعىپ, بٸرنەشە جەردەن پىشاقتاعان. قازٸر ول اۋرۋحانادا جاتىر. جاعدايى اۋىر بولعانىمەن, تۇراقتى. بٸز وقيعانى ۆيدەوعا تٷسٸرٸپ العان كۋەگەرلەردٸ ٸزدەپ جاتىرمىز, – دەيدٸ جەبٸرلەنۋشٸنٸڭ تۋىسى.
ماڭعىستاۋ وبلىسى پوليتسييا دەپارتامەنتٸ اتالعان دەرەك بويىنشا قىلمىستىق ٸس قوزعالعانىن حابارلادى. ۆەدومستۆونىڭ مەلٸمەتٸنشە, الدىن الا مەلٸمەتتەر بويىنشا ەيەل وتباسىلىق-تۇرمىستىق جانجال كەزٸندە جاراقات العان. ول اۋرۋحاناعا جەتكٸزٸلٸپ, قاجەتتٸ مەديتسينالىق كٶمەك كٶرسەتٸلٸپ جاتىر.
كٷدٸكتٸ ۇستالىپ, سوتتىڭ سانكتسيياسىمەن قاماۋعا الىندى. تەرگەۋ جالعاسۋدا.
