Aqtaýda er adam áieline pyshaqpen shabýyl jasap, óltirmek boldy degen kúdikpen qamaýǵa alyndy. Bul týraly Lada.kz portaly habarlady, dep habarlaidy ult.kz.
Áleýmettik jelilerde taraǵan aqparatqa sáikes, oqiǵa 14 shilde kúni Aqtaý qalasyndaǵy 14-shaǵynaýdanda tańǵy saǵat 04:00–06:00 aralyǵynda bolǵan.
Jábirlenýshiniń týystarynyń aitýynsha, áiel kúieýimen ajyrasý protsesinde júrgen. Erli-zaiypty tórt bala tárbielep otyr. Olardyń sózinshe, kúdikti buǵan deiin áieline birneshe ret qoqan-loqy jasap, ózin, balalaryn jáne jaqyndaryn óltiretinin aityp qorqytqan. Oqiǵa bolǵan kúni de áieldi balalaryn syltaý etip syrtqa shaqyrǵan.
– Ápkem kezdesýge bardy. Sol jerde ony aiaýsyz soqqyǵa jyǵyp, birneshe jerden pyshaqtaǵan. Qazir ol aýrýhanada jatyr. Jaǵdaiy aýyr bolǵanymen, turaqty. Biz oqiǵany videoǵa túsirip alǵan kýágerlerdi izdep jatyrmyz, – deidi jábirlenýshiniń týysy.
Mańǵystaý oblysy politsiia departamenti atalǵan derek boiynsha qylmystyq is qozǵalǵanyn habarlady. Vedomstvonyń málimetinshe, aldyn ala málimetter boiynsha áiel otbasylyq-turmystyq janjal kezinde jaraqat alǵan. Ol aýrýhanaǵa jetkizilip, qajetti meditsinalyq kómek kórsetilip jatyr.
Kúdikti ustalyp, sottyń sanktsiiasymen qamaýǵa alyndy. Tergeý jalǵasýda.
