CNN مەلٸمەتٸنشە, جەكسەنبٸ كٷنٸ ەلەمدٸك نارىقتا مۇناي باعاسى ايتارلىقتاي ارزاندادى. Brent ماركالى مۇنايدىڭ قۇنى 3,9 پايىزعا تٶمەندەپ, باررەلٸنە شامامەن 84 دوللار بولدى. ال امەريكالىق WTI مۇنايى 4,8 پايىزعا ارزانداپ, 81 دوللار دەڭگەيٸنە تٷستٸ, دەپ حابارلايدى ult.kz.
ەگەر باعا وسى شامادا ساقتالسا, بۇل كٶرسەتكٸش 4 ناۋرىزدان بەرگٸ ەڭ تٶمەنگٸ دەڭگەي رەتٸندە تٸركەلمەك.
باسىلىمنىڭ جازۋىنشا, مۇناي باعاسى تاياۋ شىعىستاعى شيەلەنٸس كٷشەيگەن العاشقى اپتادان بەرٸ العاش رەت باررەلٸنە 90 دوللاردان تٶمەن تٷستٸ. دەگەنمەن ساراپشىلار باعانىڭ اقش پەن يزرايلدٸڭ يرانعا قارسى ەسكەري وپەراتسييالارى باستالعانعا دەيٸنگٸ, ياعني باررەلٸنە 70 دوللاردان تٶمەن دەڭگەيگە جاقىن ارادا ورالا قويۋى ەكٸتالاي ەكەنٸن ايتادى.
مامانداردىڭ پٸكٸرٸنشە, قازٸرگٸ تٶمەندەۋ ۇزاق مەرزٸمدٸ ٷردٸسكە اينالماۋى مٷمكٸن. ەلەمدٸك سۇرانىستىڭ قايتا ارتۋى جەنە ستراتەگييالىق مۇناي قورلارىن تولىقتىرۋ جۇمىستارى باستالعان جاعدايدا, مۇناي باعاسى قايتادان ٶسۋٸ ىقتيمال.
