اقمولا وبلىسىندا مەرەيتويلىق X «Kazakhstan Jańa Dala / Green Day – 2026» مامانداندىرىلعان كٶرمە-دەمونستراتسيياسى قارساڭىندا «ەڭ ٷزدٸك مالشى» مەدياجوباسى ٸسكە قوسىلدى, دەپ حابارلايدى ult.kz.
جوبا جۇمىسشى ماماندىقتار جىلى اياسىندا جٷزەگە اسىرىلىپ, مال شارۋاشىلىعى سالاسى ەڭبەككەرلەرٸنٸڭ بەدەلٸن ارتتىرۋعا جەنە ولاردىڭ قوعامداعى ماڭىزدى رٶلٸن ناسيحاتتاۋعا باعىتتالعان.
مەدياجوبا كٷندەلٸكتٸ قاجىرلى ەڭبەگٸ ارقىلى اۋىل شارۋاشىلىعىنىڭ دامۋىنا جەنە ەلدٸڭ ازىق-تٷلٸك قاۋٸپسٸزدٸگٸن قامتاماسىز ەتۋگە ٷلەس قوسىپ جٷرگەن جاندارعا ارنالعان. قويشىلار, سيىرشىلار مەن جىلقىشىلار – اگروٶنەركەسٸپ كەشەنٸندەگٸ نەگٸزگٸ ماماندىقتاردىڭ ٶكٸلدەرٸ. ولار ۇلتتىق مال شارۋاشىلىعىنىڭ عاسىرلار بويى قالىپتاسقان دەستٷرٸن جالعاستىرىپ, اۋىلدىق اۋماقتاردىڭ تۇراقتى دامۋىنا ەلەۋلٸ ٷلەس قوسىپ كەلەدٸ.
بٷگٸندە قازاقستانداعى ٸرٸ قارا مال باسىنىڭ 45 پايىزدان استامى جەكە قوسالقى شارۋاشىلىقتاردا ۇستالادى.
سوندىقتان جٷزدەگەن مىڭ اۋىل تۇرعىنىنىڭ ەل-اۋقاتى مالشىلاردىڭ كەسٸبيلٸگٸ مەن ادال ەڭبەگٸنە تٸكەلەي بايلانىستى.
مەدياجوبا اياسىندا تٷسٸرٸلٸم توبى اقمولا وبلىسىنىڭ اۋداندارىن ارالاپ, مال شارۋاشىلىعى سالاسىندا ەڭبەك ەتٸپ جٷرگەن ازاماتتارمەن سۇحباتتار تٷسٸرۋدە. العاشقى ەكٸ كٷندە, ياعني 25–26 ماۋسىمدا, تٷسٸرٸلٸم توبى اتباسار, بۇلاندى, بۋراباي, ەسٸل, جاقسى جەنە زەرەندٸ اۋداندارىندا بولدى.
جوبا كەيٸپكەرلەرٸ ٶزدەرٸنٸڭ ەڭبەك جولى, وتباسىلىق دەستٷرلەرٸ, شارۋاشىلىق جٷرگٸزۋدٸڭ ەرەكشەلٸكتەرٸ, ۇرپاقتار ساباقتاستىعى جەنە قازاق دالاسىنداعى اۋىل ٶمٸرٸ تۋرالى ەڭگٸمەلەيدٸ. بارلىق بەينەماتەريال اشىق جارييالانادى, داۋىس بەرۋ ارقىلى «ەڭ ٷزدٸك مالشى» اتالىمىنىڭ جەڭٸمپازىن انىقتاي الادى.
جوبا جەڭٸمپازى 2026 جىلعى 16–17 شٸلدە كٷندەرٸ اقمولا وبلىسى تسەلينوگراد اۋدانىنىڭ نۇرەسٸل اۋىلىنداعى «اقتىق» اگروفيرماسى» اۋماعىندا ٶتەتٸن مەرەيتويلىق X «Kazakhstan Jańa Dala / Green Day – 2026» كٶرمە-دەمونستراتسيياسى اياسىندا ماراپاتتالماق.
