جاز مەزگٸلٸندە اۋا تەمپەراتۋراسى كٶتەرٸلگەن سايىن اعزانىڭ سۇيىقتىققا دەگەن قاجەتتٸلٸگٸ ارتادى. وسىعان بايلانىستى كٶپشٸلٸك مٷمكٸندٸگٸنشە كٶپ سۋ ٸشۋگە تىرىسادى. الايدا دەرٸگەرلەر سۋدى شامادان تىس تۇتىنۋدىڭ دا دەنساۋلىققا زييان كەلتٸرۋٸ مٷمكٸن ەكەنٸن ەسكەرتەدٸ, دەپ حابارلايدى ult.kz.
نەلٸكتەن كٶپ سۋ ٸشۋ قاۋٸپتٸ?
مامانداردىڭ ايتۋىنشا, قىسقا ۋاقىت ٸشٸندە ٶتە كٶپ مٶلشەردە سۋ ٸشۋ اعزاداعى سۋ مەن تۇزدىڭ تەپە-تەڭدٸگٸن بۇزادى. سونىڭ سالدارىنان قانداعى ناتريي دەڭگەيٸ تٶمەندەپ, گيپوناتريەمييا دەپ اتالاتىن جاعداي دامۋى مٷمكٸن.
ناتريي – جٷيكە جٷيەسٸ مەن بۇلشىقەتتەردٸڭ قالىپتى جۇمىس ٸستەۋٸ ٷشٸن قاجەت ماڭىزدى مينەرال. ونىڭ دەڭگەيٸ تٶمەندەگەن كەزدە جاسۋشالارعا ارتىق سۋ جينالىپ, اعزانىڭ قالىپتى قىزمەتٸ بۇزىلادى.
قانداي بەلگٸلەرگە نازار اۋدارۋ كەرەك?
سۋدى شامادان تىس ٸشكەن ادامنىڭ جاعدايى بٸردەن ناشارلاماۋى مٷمكٸن. العاشقى بەلگٸلەرٸنە:
باس اۋرۋى;
جٷرەك اينۋ;
ەلسٸزدٸك;
باس اينالۋ;
اياق-قولدىڭ تارتىلۋى;
سانانىڭ شاتاسۋى جاتادى.
اۋىر جاعدايدا قۇرىسۋ, ەستەن تانۋ, تٸپتٸ مي ٸسٸنۋٸ سيياقتى ٶمٸرگە قاۋٸپتٸ اسقىنۋلار بولۋى ىقتيمال.
كٷنٸنە قانشا سۋ ٸشۋ كەرەك?
دەرٸگەرلەر ناقتى بٸر مٶلشەر بارلىق ادامعا بٸردەي سەيكەس كەلمەيتٸنٸن ايتادى. سۋدىڭ قاجەتتٸ كٶلەمٸ ادامنىڭ:
جاسىنا;
دەنە سالماعىنا;
دەنساۋلىق جاعدايىنا;
فيزيكالىق بەلسەندٸلٸگٸنە;
اۋا تەمپەراتۋراسىنا بايلانىستى ٶزگەرەدٸ.
سوندىقتان تەك بەلگٸلەنگەن ليتر سانىن ورىنداۋعا تىرىسقاننان گٶرٸ, اعزانىڭ قاجەتتٸلٸگٸنە قۇلاق اسقان دۇرىس.
سۋدى قالاي دۇرىس ٸشكەن جٶن?
مامانداردىڭ كەڭەسٸنە سەيكەس:
سۋدى بٸردەن بٸرنەشە ليتر ەمەس, كٷن بويى از-ازدان ٸشكەن دۇرىس;
قاتتى شٶلدەگەنشە كٷتپەۋ كەرەك;
تازا اۋىز سۋعا باسىمدىق بەرگەن جٶن;
تەتتٸ گازدالعان سۋسىندار مەن الكوگول اعزانى ودان ەرٸ سۋسىزداندىرۋى مٷمكٸن.
اپتاپ ىستىقتان قالاي قورعانۋعا بولادى?
ىستىق كٷندەرٸ تەك سۋ ٸشۋ جەتكٸلٸكسٸز. دەرٸگەرلەر:
كٷننٸڭ ەڭ ىستىق ۋاقىتىندا دالادا ۇزاق جٷرمەۋگە;
جەڭٸل ەرٸ اشىق تٷستٸ كيٸم كييۋگە;
باس كيٸم تاعۋعا;
كٶلەڭكەدە نەمەسە سالقىن جەردە جيٸ بولۋعا;
اۋىر دەنە ەڭبەگٸنەن ۋاقىتشا باس تارتۋعا كەڭەس بەرەدٸ.
دەرٸگەرگە قاشان قارالۋ قاجەت?
ەگەر اپتاپ ىستىق كەزٸندە نەمەسە كٶپ سۋ ٸشكەننەن كەيٸن باس قاتتى اينالىپ, جٷرەك اينىپ, قۇسۋ, قۇرىسۋ, سانانىڭ شاتاسۋى نەمەسە ەسٸنەن تانۋ سيياقتى بەلگٸلەر بايقالسا, دەرەۋ مەديتسينالىق كٶمەككە جٷگٸنۋ قاجەت.
مامانداردىڭ ايتۋىنشا, جازدا اعزانى سۋسىز قالدىرماۋ ماڭىزدى بولعانىمەن, سۋدى دا مٶلشەرمەن ٸشۋ كەرەك. دەنساۋلىق ٷشٸن ەڭ تيٸمدٸسٸ – سۇيىقتىقتى كٷنٸ بويى بٸركەلكٸ قابىلداپ, اعزانىڭ قاجەتتٸلٸگٸنە قاراي ەرەكەت ەتۋ.
