سەنبٸ كٷنٸ الماتىدا اپاتقا ۇشىراعان ان-26 ەسكەري ۇشاعىندا قازا تاپقان عابيت بارلىقباەۆتى بٷگٸن جاقىندارى اقتىق ساپارعا شىعارىپ سالدى. اۆياتسييا بٶلٸمٸنٸڭ شتۋرمانى تۋرا مٷشەل جاسىندا ٶمٸردەن وزدى. 36 جاستاعى ازاماتتىڭ ارتىندا 3 بالاسى, جارى, اتا-اناسى قالدى, دەپ حابارلايدى "ۇلت اقپارات".
«ٶزدەرٸ ايدايتىن ەسكەري ۇشاقتاردىڭ داۋىسىن بالالارىنا, ماعان ٷيرەتٸپ قويعان. ەگەر بٸز داۋىسىن بٸلمەي قالساق, قالايشا مەنٸڭ جٷرگٸزەتٸن ۇشاعىمنىڭ داۋىسىن بٸلمەيسٸڭ دەپ رەنجيتٸن. بٸز ٷيدە وتىرىپ, ۇشاقتىڭ داۋىسىنا قاراپ بٸلەتٸنبٸز. مٸنە ان-24, مٸنە ان-26 كەلە جاتىر دەپ. ٶزٸ ٷشىپ كەلە جاتقاندا قوڭىراۋ شالىپ, ايتاتىن, بالالاردى بالكونعا شىعارشى, مەن ۇشىپ كەلە جاتىرمىن دەپ», - دەپ جارىن ەسكە الادى گٷلزيرا ورمانبەكوۆا.
ۇشاق اپاتىندا قازا تاپقان ۇشقىش عابيت بارلىقباەۆ ٷش اعايىندى ەكەن. ٶزٸ ٷيدٸڭ تۇڭعىشى بولعان. ۇشقىش بولۋدى بالا كٷنٸنەن ارمان ەتكەن ازامات اقتٶبەدە بٸلٸم الىپ, وتان قورعاۋ سالاسىندا 20 جىلعا جۋىق قىزمەت ەتتٸ. ۇشقىشتىڭ ارتىنان ەرگەن ەكٸ ٸنٸسٸ دە ەسكەري قىزمەتتە.
«ٷش ۇلىمدى دا وتانىنا, حالقىنا قىزمەت ەت دەپ بەردٸم. ٷشەۋٸ دە ەسكەري قىزمەتكەر. ونىڭ ەكەۋٸ ۇشقىش. بالالارىما ريزامىن. حالقىنىڭ ٷمٸتٸن اقتاپ جاتىر, بەرگەن انتتارىنا ادال»,- دەدٸ مارقۇم عابيت بارلىقباەۆتىڭ ەكەسٸ ەسٸم بارلىقباەۆ.
بورالداي كەنتٸندە قىزمەت ەتكەن ۇشقىشتىڭ دەنەسٸ ٶزٸ تۋعان تالدىقورعان ماڭىنداعى باقتىباي اۋىلىندا جەر قوينىنا تاپسىرىلدى. عابيت بارلىقباەۆتىڭ ٷلكەن بالاسى 9 دا بولسا, كٸشكەنتاي 2-اق جاستا.
