فوتو: الماتى ەكٸمدٸگٸ
سىبايلاس جەمقورلىققا قارسى ٸس-قيمىل اگەنتتٸگٸ سپورت سالاسىنداعى جەمقورلىق تەۋەكەلدەرٸنە سىرتقى تالداۋ شارالارىنا كٸرٸستٸ, - دەپ حابارلايدى Sputnik قازاقستان.
اگەنتتٸكتٸڭ رەسمي ٶكٸلٸ ارمان تٸلەۋكەنوۆتىڭ ايتۋىنشا, تۋريزم جانە سپورت مينيسترلٸگٸنٸڭ, سونىڭ ٸشٸندە وعان ۆەدومستۆولىق باعىنىستى ۇيىمداردىڭ سپورتتى قارجىلاندىرۋ مەسەلەلەرٸ جٶنٸندەگٸ قىزمەتٸنە تالداۋ جٷرگٸزٸلٸپ جاتىر.
"بۇدان باسقا, سپورتتىق ٸس-شارالار مەن جيىندار, جابدىقتار مەن سپورتتىق تاعامدى ساتىپ الۋ, شەتەلدٸك ٸسساپارلاردى ۇيىمداستىرۋ, سىياقىلار, سپورت نىساندارىن سالۋ, سونداي-اق سپورت فەدەراتسييالارى مەن كەسٸبي كلۋبتاردى ۇستاۋ بويىنشا بيۋدجەتتٸك جەنە بيۋدجەتتەن تىس قارجى كٶزدەرٸ زەردەلەنەتٸن بولادى", - دەدٸ تٸلەۋكەنوۆ بٷگٸنگٸ بريفينگتە.
تالداۋ جۇمىسىنا اگەنتتٸكتەن بٶلەك مٷددەلٸ مەملەكەتتٸك ورگاندار مەن ازاماتتىق قوعام ٶكٸلدەرٸ قاتىسىپ جاتىر.
"جەمقورلىققا قارسى قىزمەت ازاماتتاردى تالداۋ جٷرگٸزۋگە قاتىسۋعا شاقىرادى. ەگەر سٸزدە جەمقورلىق تەۋەكەلدەرٸ تۋرالى اقپارات بولسا نەمەسە سپورتتى قارجىلاندىرۋ سالاسىن جەتٸلدٸرۋ بويىنشا ۇسىنىستارىڭىز بولسا, ولاردى ەلەكتروندى پوشتاعا (karipova.a@antikor.gov.kz) جٸبەرۋٸڭٸزدٸ سۇرايمىز", - دەپ اتاپ كٶرسەتتٸ تٸلەۋكەنوۆ.
