انتيكور شىعىس قازاقستان وبلىسىندا جوعارى لاۋازىمدى شەنەۋنٸكتٸ ۇستادى

سۋرەت: اشىق دەرەككٶز

سىبايلاس جەمقورلىققا قارسى اگەنتتٸك شقو ەكولوگييا دەپارتامەنتٸ باسشىسىنىڭ مٸندەتٸن اتقارۋشى ۇستالعانىن راستادى.

تelegram-داعى Yedilov online ارناسىندا شىعىس قازاقستان وبلىسى ەكولوگييا دەپارتامەنتٸ باستىعىنىڭ مٸندەتٸن اتقارۋشى ماماي بۋتاباەۆ پارا الىپ جاتقان كەزدە ۇستالعانىن جازدى.

"كەيبٸر دەرەككٶزدەردٸڭ اقپاراتى بويىنشا, انتيكور قىزمەتكەرلەرٸ شىعىس قازاقستان وبلىسى بويىنشا ەكولوگييا دەپارتامەنتٸ باستىعىنىڭ مٸندەتٸن اتقارۋشى ماماي بۋتاباەۆتى 180 ميلليون تەڭگە پارا الۋعا كەلٸسٸپ, 10 ميلليون تەڭگەسٸن الىپ جاتقاندا ۇستادى", - دەلٸنگەن اقپاراتتا.

بۇعان قاتىستى پٸكٸر بٸلدٸرگەن انتيكور ماماي بۋتاباەۆتىڭ ۇستالعانىن راستادى.

"سىبايلاس جەمقورلىققا قارسى قىزمەت سوتقا دەيٸنگٸ تەرگەپ-تەكسەرۋ شەڭبەرٸندە شقو بويىنشا ەكولوگييا دەپارتامەنتٸ باسشىسىنىڭ مٸندەتٸن اتقارۋشى ۇستالعانىن راستايدى. تەرگەۋ جالعاسىپ جاتىر. باسقا اقپاراتتى قوسىمشا حابارلايمىز", - دەدٸ اگەنتتٸكتەن.