تٷركييانىڭ انتالييا پروۆينتسيياسىنداعى ورمان ٶرتٸنەن 3 ادامنىڭ كٶز جۇمعانى بەلگٸلٸ بولدى. جالپى تٸلسٸز جاۋدان زارداپ شەككەن 122 ادامنىڭ 58-ٸ اۋرۋحاناعا جەتكٸزٸلگەن. بۇل تۋرالى انادولى اگەنتتٸگٸ حابارلادى.
AFAD (تٷركييا رەسپۋبليكاسى ٷكٸمەتٸنٸڭ جانىنداعى تٶتەنشە جاعدايلاردىڭ الدىن الۋ جەنە سالدارىن جويۋ باسقارماسى) مەلٸمەتٸ بويىنشا, ٶرت 28 شٸلدەدە تٷسكٸ كەزٸندە انتالييا پروۆينتسييانىڭ تٶرت ايماعىندا ٶرت شىققان. ٶرتتٸڭ جىلدام تارالۋىنا اپتاپ ىستىق پەن جەلدٸ اۋا-رايى ىقپال ەتكەن. ٶرتتٸ اۋىزدىقتاۋعا ٶرتٸ سٶندٸرۋ اۆياتسيياسى مەن قۇرلىقتاعى تٶتەنشە جاعدايمەن كٷرەس قىزمەتتەرٸ جۇمىلدىرىلعان.
ٶرت سالدارىن جويۋعا 1 ۇشاق, 19 تٸكۇشاق, 1 پيلوتسىز ۇشۋ اپپاراتى, 192 ٶرت سٶندٸرۋ ماشيناسى, 30 قۇرىلىس تەحنيكاسى, 19 جەدەل جەردەم ماشيناسى, 5 دالا اسحاناسى جەنە جەكە قۇرامنىڭ 1000-نان استام ادامى تارتىلعان.
«جالىننىڭ جولىندا قالعان 18 ەلدٸ مەكەننٸڭ تۇرعىندارى قاۋٸپسٸز جەرگە كٶشٸرٸلدٸ. ماناۆگات اۋدانىنداعى جاعداي باقىلاۋعا الىندى, بٸراق اقسەكٸدە ٶرت باسىلعان جوق», - دەدٸ تٷركييانىڭ اۋىل شارۋاشىلىعى جەنە ورمان شارۋاشىلىعى مينيسترٸ بەكٸر پاكدەمٸرلٸ.
«انادولى» اگەنتتٸگٸنٸڭ جازۋىنشا, ٶرت سٶندٸرۋشٸلەردٸ ۋاقىتشا تۇراقپەن قامتاماسىز ەتۋ ٷشٸن 1 300 ادام سىياتىن 6 جاتاقحانا دايىندالعان.
جەرگٸلٸكتٸ پوليتسييا مەن قۇتقارۋ قىزمەتتەرٸ ٶڭٸردە ٶرت قاۋپٸ ەلٸ سەيٸلمەگەنٸن ەسكەرتٸپ جاتىر.
قاۋٸپتٸ اۋماقتارعا كٸرەتٸن اۆتوكٶلٸك جولدارى جابىلىپ, قوزعالىس شەكتەلگەن. اپات ايماعىن اينالىپ ٶتەتٸن بالاما جولدار ەزٸرلەنٸپ جاتىر.
ماناۆگات اۋدانىنىڭ گۋبەرناتورى مۇستافا يگٸت ويماپىنار بٶگەتٸنە تٷسٸپ كەتكەن 10 ازامات قۇتقارىلىپ, قاۋٸپسٸز جەرگە جەتكٸزٸلگەنٸن ايتقان.
ال بٷگٸن تٷركييانىڭ مارماريس جەنە ميلاس اتتى تۋريستٸك قالالارىندا ورماندى-دالا القاپتار ٶرتەندٸ. ونى جويۋ جەنە تابيعي اپاتتان زارداپ شەككەندەردٸ ٸزدەستٸرۋ-قۇتقارۋ جۇمىستارى باستالىپ كەتتٸ.
