تانىمال ەنشٸ ەبدٸجاپپار ەلقوجاجۋرناليست امان تاسىعانعا بەرگەن سۇحباتىندا ٶمٸرٸندەگٸ ەڭ اۋىر سەتتەردٸڭ بٸرٸ تۋرالى ايتىپ بەردٸ, دەپ حابارلايدى ult.kz.
ٶنەر يەسٸنٸڭ سٶزٸنشە, ول ەشقاشان اتاق نەمەسە مانساپ ٷشٸن ىقپالدى ادامدارعا جاعىمپازدانباعان.
«ەشقانداي اعانىڭ ارتىنا كٸرٸپ, اتاق ٷشٸن, مانساپ ٷشٸن جاعىمپازدانعان كەزٸم بولمادى. سوعان قۋانامىن», – دەدٸ ەنشٸ.
ەبدٸجاپپار ەلقوجا بٸر كونتسەرت ۇيىمداستىرۋ كەزٸندە قاراجات جەتٸسپەي, تانىس اعالارىنىڭ بٸرٸنەن قارىز سۇراۋعا مەجبٷر بولعانىن ەسكە الدى. ونىڭ ايتۋىنشا, بۇل جاعداي ٶزٸنە اۋىر تيگەن.
«بٸر رەت بٸر جاعداي بولدى. كونتسەرت ٶتكٸزۋٸمە بٸراز اقشا جەتپەي, تانيتىن كٶكەمٸزدەن بارىپ, قارىزعا اقشا سۇرادىم. ٶمٸرٸمدە بۇلاي قورلانباعان شىعارمىن. مەنٸڭ ەرٸ كەتسە بٸر تويدا تاباتىن اقشام عوي ول سوما», – دەدٸ ول.
ەنشٸنٸڭ ايتۋىنشا, قولداۋ سۇراعانىمەن, ٶتٸنٸشٸ قابىلدانباعان.
«قاتتى ٶكٸندٸم. قاتتى جىلادىم. “ە, اللا, كەشٸرشٸ مەنٸ, ادامعا مۇقتاج بولعانىم ٷشٸن كەشٸرشٸ مەنٸ” دەپ قاتتى جىلادىم», – دەپ ەسكە الدى ٶنەر يەسٸ.
ول وسى وقيعادان كەيٸن ەشكٸمنەن كٶمەك سۇراماۋعا جەنە ٶز كٷشٸنە عانا سەنۋگە تىرىسقانىن ايتتى.
