فوتو: instagram.com/clvdeex
تانىمال ەنشٸ ٶكتەم التاەۆتىڭ ۇلى, ۆيولونچەلشٸ باعجان وكتيابر ەكەسٸنە Lexus LX570 كٶلٸگٸن سىيلادى.
بۇل تۋرالى باعجان وكتيابردٸڭ ٶزٸ Instagram-پاراقشاسىندا ايتتى, - دەپ حابارلايدى Massaget.kz پورتالى.
"ەكەمە كٶلٸك سىيلادىم. بالا باعجاننىڭ ٷلكەن ارماندارىنىڭ بٸرٸ ەكەمە كٶلٸك سىيلاۋ ەدٸ. قۇدايعا شٷكٸر, وسى كٷنگە جەتتٸك. ەدەتتە وتباسىمدى كٶرسەتە بەرمەيمٸن, بٸراق بۇل سەتتٸ سٸزدەرمەن بٶلٸسپەسكە بولمادى. مەنٸ شابىتتاندىرىپ, ەردايىم قولدايتىن سٸزدەرگە راقمەت!", - دەپ جازدى باعجان وكتيابر.
ٶنەر يەسٸن تانىمال قازاقستاندىقتار دا قولداعان.
"ەڭ قيىن كەزدەردە اتا-انالارىمىز بٸز ٷشٸن بارىن بەردٸ, بەرٸن جاسادى. ەندٸ بالانىڭ قىزىعىن كٶرۋ, ەڭبەكتٸڭ جەمٸسٸن كٶرۋ دەگەن وسى شىعار. باعجان, جارايسىڭ! اتا-اناڭ امان بولسىن! قۋانتا بەر", - دەيدٸ ەنشٸ اقەركە بٷركٸتباي.
"جٸگٸتسٸڭ! اتا-اناڭ امان بولسىن!", - دەيدٸ ەنشٸ نۇربولات ابدۋللين.
"اتىم وزسا سەنٸڭ دۇعاڭ, ەكە, باعىم جانسا سەنٸڭ ارقاڭ, انا... "سانالى ۇرپاعىمەن ماقتانار اتا-انا كٶپ بولسىنشى. باعجان, جارايسىز", - دەپ جازدى جۋرناليست, ديكتور مايرا تٶلەپبەرگەن.
ايتا كەتەيٸك, اشىق دەرەككٶزدەردٸڭ مەلٸمەتٸنشە, Lexus LX570 ماركالى كٶلٸگٸ 67 ميلليون تەڭگەدەن باستالادى.
