توكيو وليمپياداسىندا ٶنەر كٶرسەتكەن قازاقستاندىق سپورتشىلار ريوداعى سپورتشىلاردان ەكٸ جاسقا ٷلكەن بولدى. ۇلتتىق وليمپيادا كوميتەتٸنٸڭ باس حاتشىسى اندرەي كريۋكوۆ جازعى ويىندارداعى سەتسٸزدٸكتەردٸڭ سەبەبٸن تالداي كەلٸپ, وسىنداي مەلٸمدەمە جاسادى, دەپ حابارلايدى قازاقپارات.
«وليمپيادا ويىندارىندا 206 ەلدەن 11 324 سپورتشى قاتىسىپ, 45 سپورت تٷرٸ بويىنشا 339 جٷلدە جيىنتىعى ساراپقا سالىندى. بۇل جەردە سپورتشىلارىمىزدىڭ جاسىن اتاپ ٶتكٸم كەلەدٸ. بٸزدٸڭ كوماندا ريو ويىندارىنداعى كومانداعا قاراعاندا ەكٸ جاسقا «قارتايىپ» قالعان بولاتىن. بۇل ٶتە ماڭىزدى. وسى كٶرسەتكٸش بٸزدە ساپالى رەزەرۆ جوق ەكەنٸن كٶرسەتەدٸ. ياعني, ۇلتتىق قۇرامالاردىڭ كٶش باسىنداعى سپورتشىلاردى اۋىستىراتىن ساپالى رەزەرۆ جوق. وسىلايشا ۇلتتىق قۇراما كٶشباسشىلارى چەمپيوناتتاردا دا جٷلدە سالادى, وليمپيادالارعا دا قاتىسادى. سوندا رەزەرۆ دايارلاۋ جۇمىسى جەتكٸلٸكسٸز دەگەن سٶز», - دەدٸ ۇوك باس حاتشىسى.
ونىڭ سٶزٸنە قاراعاندا, پاندەمييا جوسپاردى بۇزعانىنا قاراماستان, قازاقستاندىق سپورتشىلار ليتسەنزييانى جەتكٸلٸكتٸ دەڭگەيدە ۇتىپ العان.
«وليميپيادا ويىندارىنداعى سپورت تٷرلەرٸ مەن مەدال ۇتىستارىنىڭ قىسقارۋى, ەرەجەلەردٸڭ ٶزگەرۋٸ قوسىمشا ليتسەنزييا الۋ مٷمكٸندٸگٸن قاراستىرۋعا جول بەرمەدٸ. بۇل جەردە وليمپيادا تسيكلٸ ەكٸ بٶلٸكتەن تۇراتىنىن ايتۋ كەرەك. بٸرٸنشٸ بٶلٸك ويىندارعا دايىندىقتى قامتىسا, ەكٸنشٸ بٶلٸك وليميپيادادا ٶنەر كٶرسەتۋمەن تٸكەلەي بايلانىستى. بۇل جەردە بٸزگە قاتىسى جوق سەبەپتەرمەن 33 ليتسەنزييا قىسقارتىلدى. وليپيادانىڭ باسقا سپورت تٷرلەرٸنەن نەتيجەنٸ جاقسارتۋ ەسەبٸنەن ليتسەنزييا الۋ جوسپارى ورىندالعانىن ايتۋ كەرەك. پاندەميياعا قاراماستان وسىنشا ليتسەنزييا العانىمىزدى سەتتٸ قادام دەپ باعالاۋعا بولادى», - دەدٸ ول ۇلتتىق وليمپيادا كوميتەتٸ باس اسسامبلەياسىنىڭ وتىرىسىندا.
