قازاقستان ۇلتتىق وليمپيادا كوميتەتٸنٸڭ باس حاتشىسى اندرەي كريۋكوۆ توكيو وليمپياداسىنىڭ بٷگٸنگٸ جارىس كٷنٸن قورىتىندىلاپ, پٸكٸر بٸلدٸردٸ, دەپ حابارلايدى قازاقپارات.
«ەۋەلٸ بٷكٸل قازاقستاندىقتاردى ەلدوستىڭ جەڭٸسٸمەن قۇتتىقتاعىم كەلەدٸ. بۇل – توكيو وليمپياداسىنداعى العاشقى مەدالٸمٸز. وسى مەدال باسقا جەڭٸستەرگە جول اشادى دەپ سەنەمٸز. ەلدوس بٷگٸن ٶزٸنٸڭ شەبەر ەكەنٸن, كەسٸپقوي ەكەنٸن كٶرسەتتٸ. جارىس جولىندا سوڭىنا دەيٸن كٷرەستٸ. وسىنداعى سپورتشىلاردىڭ بەرٸنە ول بٷگٸنگٸ ٶنەرٸمەن ٷلكەن باعىت سٸلتەپ كەتتٸ دەپ ويلايمىن. ەندٸ ولار دا الاڭسىز العا ۇمتىلاتىن بولادى. قولا جٷلدە ٷشٸن ٶتكەن سوڭعى بەلدەسۋٸندە ول قارسىلاسىن ۇتۋعا كٷش تابا بٸلدٸ. ٶيتكەنٸ بەرٸ «اقتىق بەلدەسۋ» دەپ باعا بەرگەن جارتىلاي فينالداعى ايقاسى ٶتە قيىن بولعان ەدٸ. سپورتتاعى جەرەبە وسىلاي تٷسٸپ جاتتى. بٸز كەز كەلگەن ويىن ەرەجەسٸن قابىلدايمىز. ەلدوس بٷگٸن تاعى دا ٶزٸنٸڭ جەڭٸستٸ دەستٷرٸن جالعاستىرا الاتىنىن كٶرسەتتٸ. بٷگٸن ول ەلٸمٸزدەگٸ ەڭ داڭقتى دزيۋدوشىعا اينالدى. وسى مٷمكٸندٸكتٸڭ وليمپيادا ويىندارىنىڭ العاشقى كٷنٸ تٸركەلگەنٸنە قۋانىشتىمىن», - دەدٸ كوميتەت حاتشىسى ورتالىق كوممۋنيكاتسييالار قىزمەتٸندە جاپونييادان تٸكەلەي بايلانىسقا شىعىپ.
باس حاتشى بٷگٸن قازاقستاندىق ۆەلوشابوندوزداردان دا مەدال كٷتكەنٸن جاسىرمادى.
«بۇل ويىنداردا وسال قارسىلاس جوق ەكەنٸن ايتقىم كەلەدٸ. كوماندالاردىڭ بەرٸ تاس-تٷيٸن دايىندىقپەن كەلگەن. سپورتشىلاردىڭ بەرٸ بابىندا. دزيۋدو بويىنشا, باسقا دا سپورت تٷرلەرٸ بويىنشا ٶتكەن تۋرنيرلەردە وعان كٶز جەتكٸزدٸك. بٸز ٷشٸن دراماعا تولى بولعان ۆەلوجارىستا جٸگٸتتەرٸمٸز جٷلدەگەرلەر قاتارىنا ٸلٸگە الماعانىن كٶردٸك. تەننيس تۋرنيرٸندە دە فينالعا جەتە المادىق. سوندا دا بەرٸمٸز سپورتشىلاردى قولدايمىز. كوماندا جاقسى بابىندا جەنە رۋحى كٶتەرٸڭكٸ», - دەدٸ اندرەي كريۋكوۆ.
ەسكە سالساق, بٷگٸن توكيو تٶرٸندەگٸ تاتاميدە 60 كەلٸ سالماق بويىنشا بەلدەسكەن ەلدوس سمەتوۆ قازاقستان قورجىنىنا العاشقى مەدالدٸ سالعان بولاتىن.
