دەنساۋلىق سالاسىنىڭ ٶتكەن جىلعى جۇمىسىن قورىتىندىلاعان القا ٶتتٸ. وندا 2016–2019 جىلعا ارنالعان «دەنساۋلىق» مەملەكەتتٸك باعدارلاماسىنىڭ ورىندالۋ بارىسى تالقىلاندى. جيىنعا وبلىستىق, اۋداندىق, قالالىق مەديتسينا مەكەمەلەرٸنٸڭ باسشىلارى جەنە دەرٸگەرلەر قاتىستى. القاعا وبلىس ەكٸمٸنٸڭ ورىنباسارى جاقسىلىق ومار جەتەكشٸلٸك ەتتٸ.
دەنساۋلىق ساقتاۋ باسقارماسىنىڭ باسشىسى باۋىرجان ىسقاق بايانداما جاساپ, اتقارىلعان جۇمىستار مەن سالاداعى كەم-كەتٸكتەردٸ سٶز ەتتٸ.
– 2017 جىلى وبلىستىق دەنساۋلىق ساقتاۋ سالاسىنا بٶلٸنگەن قارجى 82,8 ملرد. تەڭگەنٸ قۇرادى. ونىڭ 74,7 ملرد. تەڭگەسٸ رەسپۋبليكالىق بيۋدجەتتەن, 8,1 ملرد. تەڭگەسٸ جەرگٸلٸكتٸ بيۋدجەت قورجىنىنان بٶلٸنگەن. ٶتكەن جىلعى بٶلٸنگەن قارجى 2016-مەن سالىستىرعاندا 14 پايىزعا ارتىق, – دەدٸ باسقارما باسشىسى. مەديتسينا سالاسىنا بٶلٸنگەن قارجى جىل سايىن ارتىپ كەلەدٸ. بٸراق, كەمشٸلٸكتەر جەتەرلٸك. سوڭعى جىلدارى انا مەن بالا ٶلٸمٸنٸڭ سانى ارتقان.
وبلىس ەكٸمٸنٸڭ ورىنباسارى جاقسىلىق ومار ولقىلىققا جول بەرگەن اۋدانداردىڭ جاۋاپتى ماماندارىن ورنىنان تۇرعىزدى. رايىمبەك, قاراساي, بالقاش, ٸلە اۋداندارى سىنعا الىندى. بارلىعى بالا ٶلٸمٸنە اتا-انالار ٶزدەرٸ كٸنەلٸ دەگەن جاۋاپ بەرٸپ, جالتارۋعا تىرىستى. انالار جٷكتٸلٸك كەزٸندە ەسەپكە تۇرمايدى. دۇرىس تەكسەرٸس جٷرگٸزٸلمەگەندٸكتەن, ٸشتەگٸ شارانانىڭ دەنساۋلىعىنداعى كەم-كەتٸكتٸ بايقاي المايمىز دەگەندٸ جەلەۋ ەتتٸ ماماندار. ٶز كەزەگٸندە سٶز العان وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ەلميرا احمەتوۆا جٷكتٸلٸك كەزٸندە انالاردى ەرەكشە نازاردا ۇستاۋ كەرەكتٸگٸن ايتتى.
– كەيبٸرەۋلەر دەنساۋلىعى سىر بەرە باستاعاننان ٶزٸنشە ەم جاسايدى. سونىڭ بەرٸ ماماننىڭ جٷكتٸ ەيەلگە قاي كەزدە, قانداي ەم جاساۋ كەرەكتٸگٸن ايتپاعاندىقتان. جٶنسٸز دەرٸ-دەرمەك ٸشكەندٸكتەن ٸشتەگٸ بالا كەمتار بولىپ دٷنيەگە كەلەدٸ. اكۋشەر-گينەكولوگتاردىڭ ۋاقىتىندا, دۇرىس كٶمەك كٶرسەتپەگەندٸگٸنەن انا مەن بالا قايعىلى جاعدايلارعا دۋشار بولىپ جاتادى. سوندىقتان, دەرٸگەرلەردٸڭ بٸلٸكتٸلٸگٸ مەن جاۋاپكەرشٸلٸگٸن ارتتىرۋىمىز كەرەك,– دەيدٸ ول.
تالدىقورعان قالاسىندا برۋتسەللەز سىرقاتى كٶبەيگەن. جاقسىلىق مۇقاشۇلى بۇل جٶنٸندە جاۋاپ بەرۋ ٷشٸن قالا ەكٸمٸنٸڭ ورىنباسارى مەرلەن كٶلباەۆتى ورنىنان تۇرعىزدى. ول ەكٸ جاعدايدىڭ مالدان جۇققانىن, قالعانىنىڭ باسقا ەلدٸ مەكەننەن كەلٸپ دەرٸگەرگە تەكسەرٸلگەندەردەن انىقتالعانىن ايتتى. اۋدانداعى انا ٶلٸمٸنە بايلانىستى جامبىل اۋدانى ەكٸمٸنٸڭ ورىنباسارى داستان شالتاباەۆتىڭ اتىنا سىن ايتىلدى.
جيىندا كٶپتەگەن تولعاقتى مەسەلەلەر ايتىلدى. وبلىستا 106 دەرٸگەر جەتٸسپەيدٸ. سونىڭ ٸشٸندە كٶپ جەردە رەانيماتولوگ, نەوناتولوگ, گينەكولوگ, پەدياترلاردىڭ ورنى بوس. وسى ولقىلىقتىڭ ورنىن تولتىرۋ بارىسىندا بارشا جاۋاپتى ماماندار جۇمىس ٸستەۋٸ كەرەكتٸگٸ ايتىلدى. اۋداندىق, قالالىق اۋرۋحانالاردىڭ باس دەرٸگەرلەرٸنٸڭ مەرەكە كٷندەرٸ جۇمىس ورىندارىنان تابىلۋلارى كەرەكتٸگٸ سٶز بولدى.
– سىرقاتتار مەرەكەنٸ تويلاي المايدى, ەندەشە دەرٸگەرلەر دە مەرەكەدە دەمالماي جۇمىس ٸستەۋٸ تيٸس,– دەدٸ سالاعا جاۋاپتى باسشى.
جيىننىڭ قورىتىندىسىندا باس دەرٸگەرلەرگە ينۆەستورلار جەنە قايىرىمدىلىق قورلارىمەن جۇمىس ٸستەۋ تاپسىرىلدى. بارلىق مەديتسينا مەكەمەلەرٸن ينتەرنەتپەن, ورتاق ەلەكتروندى جٷيەمەن قامتۋ جٷكتەلدٸ. مەملەكەتتٸك جەنە جەكەمەنشٸك سەرٸكتەستٸك نىعايتىلۋى تيٸس ەكەندٸگٸ ايتىلدى.
گٷلجان تۇرسىن
