ان-2 ۇشاعىنىڭ كومانديرٸ تاحير ٶتەگەنوۆ ۇشۋ بارىسىندا نە بولعانىن جەنە نەلٸكتەن اپاتتىق جاعدايدا قونۋ تۋرالى شەشٸم قابىلداعانىن ايتىپ بەردٸ, دەپ حابارلايدى "ۇلت اقپارات".
«2021 جىلعى 26 اقپاندا بورالداي-كەگەن باعىتىندا ۇشىپ شىعىپ, جەردەن 50 مەتر بيٸكتٸككە كٶتەرٸلگەندە قوزعالتقىشتىڭ قۋاتىن جوعالتقانىن جەنە ۇشاقتىڭ تٶمەندەي باستاعانىن بايقادىم. ۇشىپ شىققان ەۋەجايعا ورالۋ ٷشٸن ۇشاقتى جايلاپ بۇرا باستادىم. بورتتا جولاۋشىلاردىڭ بولۋىنا جەنە ەلدٸ مەكەندەردٸڭ ٷستٸنەن ٶتٸپ بارا جاتقانىمىزعا بايلانىستى قونۋعا بولاتىن اۋداندى بارىنشا باعدارلاۋعا تىرىستىم. بورالداي ەۋەجايىنىڭ جولاعىنا تٷسۋ ٷشٸن كەدەرگٸلەردەن ٶتە بەرگەن كەزدە ۇشاق بيٸكتٸك جوعالتىپ جەرگە سوعىلدى. بورتتا بولعان جولاۋشىلاردىڭ بارلىعى, ەكيپاج مٷشەلەرٸ دٸن-امان», - دەدٸ تاحير ٶتەگەنوۆ قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ تelegram-پاراقشاسىندا جارييالانعان ۆيدەودا.
ەستەرٸڭٸزگە سالا كەتەيٸك, 26 اقپاندا بورالداي-كەگەن باعىتى بويىنشا سانيتارلىق رەيستٸ ورىنداعان «ازييا كونتينەنتال» ەۋە كومپانيياسىنىڭ ان-2 ەۋە كەمەسٸ بورالداي اۆتوجولىنىڭ شىعىسىنا قاراي 1,5 شاقىرىم جەردە مەجبٷرلٸ تٷردە قوندى.
بورتتا 5 ادام بولعان. قازا تاپقاندار مەن زارداپ شەككەندەر جوق.
قر ييدم اۆياتسييالىق وقيعالار مەن ينتسيدەنتتەردٸ تەكسەرۋ باسقارماسى بولعان جاعدايدى تەكسەرٸپ جاتىر.
