بەلارۋستە پرەزيدەنت سايلاۋىنىڭ رەسمي قورىتىندىسىنا قارسىلىق بٸلدٸرگەن بەيبٸت شارالارعا قاتىسقان ستۋدەنتتەر قۋعىندالىپ جاتىر: كەيبٸرٸ وقۋ ورىندارىنان شىعارىلىپ, كەيبٸرٸنٸڭ ٷستٸنەن قىلمىستىق ٸس قوزعالعان, دەپ جازادى ازاتتىق.
2020 جىلدىڭ تامىز ايىنان بەرٸ 30 مىڭنان استام ادام قامالىپ, جٷزدەگەن ادام سوققىعا جىعىلعان, ازاپتالعان, وقيعادان حابار تاراتقان جۋرناليستەر قۋدالاندى. باتىس لۋكاشەنكو مەن اينالاسىنداعى شەنەۋنٸكتەرگە سانكتسييا سالعان تۇستا بۇل بەلارۋس ٷكٸمەتٸنٸڭ ەلەمدٸك قاۋىمداستىقتان وقشاۋلانۋىنا الىپ كەلدٸ.
Amnesty International ۇيىمىنىڭ ەسەبٸندە قۋدالانعان ستۋدەنتتەر مەن ونىڭ سالدارى باياندالعان.
"بەلارۋستە نارازىلىق بٸلدٸرگەن ستۋدەنتتەر مەن مۇعالٸمدەر جازعى وقيعانىڭ نەتيجەسٸندە بيىلعى وقۋ جىلىن مٷلدە باسقا سيپاتتا باستادى. باسىنان-اق ولاردىڭ نارازىلىققا اتسالىسۋىن بيلٸك تە, كٶپتەگەن ۋنيۆەرسيتەت ەكٸمشٸلٸگٸنٸڭ قۇپ كٶرمەيتٸنٸ انىق ەدٸ. 27 قازاندا الەكساندر لۋكاشەنكو جوعارى وقۋ ورىندارىنىڭ باسشىلارىن ولاردى وقۋدان شىعارۋعا اشىق تٷردە ٷندەدٸ. ارتىنشا ۋنيۆەرسيتەتتەردٸڭ سولاي ٸستەي باستاعانىنا كۋە بولدىق" دەدٸ Amnesty International ۇيىمىنىڭ بەلارۋس بويىنشا كامپانيياسىنىڭ جەتەكشٸسٸ ايشا دجانگ.
بەلارۋس ستۋدەنتتەرٸ قاۋىمداستىعىنىڭ 2021 جىلدىڭ 17 مامىر كٷنگٸ مەلٸمەتٸ بويىنشا, ەلدە كەمٸندە 466 ستۋدەنت ۇستالعان, ٷشتەن بٸرٸ – ەيەلدەر. كٶبٸ ەكٸمشٸلٸك قاماۋعا الىنعان نەمەسە 120 ەۋرو كٶلەمٸندە ايىپپۇل العان. بۇل بەلارۋستەگٸ ورتاشا جالاقى مٶلشەرٸنٸڭ تٶرتتەن بٸر بٶلٸگٸ. كەمٸندە 153 ستۋدەنت وقۋدان شىعارىلعان, كٶبٸ قۋدالاۋدان قورقىپ, كٶرشٸ ەلدەرگە قاشىپ كەتكەن. 42 ستۋدەنت قىلمىستىق ٸس بويىنشا كٷدٸكتٸ تانىلعان, التاۋى باس بوستاندىعىنان ايىرىلدى.
بىلتىر جىل سوڭىندا بيلٸك بٸر مەزگٸلدە 11 ستۋدەنت پەن بٸر وقىتۋشىنىڭ ٷستٸنەن قىلمىستىق ٸس قوزعاپ, كٶبٸن ٷيلەرٸنەن ۇستاپ ەكەتكەن. بۇل كٷن "قارا بەيسەنبٸ" رەتٸندە ەستە قالدى. ولارعا قاتىستى سوت پروتسەسٸ 14 مامىردا باستالعان, ماۋسىمنىڭ ورتاسىنا دەيٸن جالعاسادى دەپ ايتىلادى. ايىپتالۋشىلارعا "قوعامدىق تەرتٸپتٸ ٶرەسكەل بۇزاتىن ەرەكەت ۇيىمداستىردى" دەگەن ايىپ تاعىلدى. بۇل بويىنشا ەكٸ جىلعا دەيٸن باس بوستاندىقتان ايىرۋ جازاسى قاراستىرىلعان.
ۇستالعانداردىڭ بٸرٸ 19 جاستاعى اناستاسييا بۋلىبەنكونىڭ ٷيٸنە پوليتسييا قىزمەتكەرلەرٸ باسىپ كٸرٸپ, ونى ۇيىقتاپ جاتقان جەرٸنەن بٸردەن قاماۋعا الىپ كەتكەن. ول جارتى جىلدان بەرٸ تەرگەۋ يزولياتورىندا وتىر. وسى ۋاقىت ارالىعىندا اناستاسييا اناسىمەن بٸر رەت قانا كەزدەسكەن.
Amnesty International بەلارۋس بيلٸگٸن ستۋدەنتتەر مەن عالىمدار, بەيبٸت دەمونسترانتتاردى قۋدالاۋدى دەرەۋ توقتاتۋعا شاقىردى.
"بەلارۋس بيلٸگٸ ادام قۇقىعى سالاسىنداعى حالىقارالىق قۇقىق بويىنشا العان مٸندەتتەمەلەرٸن ورىنداپ, ستۋدەنتتەردٸڭ قورىقپاي پٸكٸر ايتۋ, بەيبٸت شەرۋ جاساۋ قۇقىعىن قۇرمەتتەۋٸ تيٸس" دەدٸ ايشا دجانگ.
"بٸز ەلەمدەگٸ ستۋدەنتتەر وداعى مەن ستۋدەنت جەتەكشٸلەرٸن بەلارۋستەگٸ ەرٸپتەستەرٸنە قولداۋ بٸلدٸرۋگە شاقىرامىز جەنە سول ەلدەردٸڭ بيلٸگٸ الەكساندر لۋكاشەنكو ٷكٸمەتٸنە قىسىم جاساۋ ٷشٸن دەرەۋ شارا قولدانۋى تيٸس. جاستارعا قىسىم جاساۋعا, قوعامدىق جەنە اكادەمييالىق ورتانى تۇنشىقتىرۋعا نٷكتە قويىلۋى تيٸس" دەدٸ.
Amnesty International #StandWithBelarus كامپانيياسى اياسىندا جيٸ ەسەپتەر توپتاماسىن ەزٸرلەپ كەلەدٸ. بۇل بەلارۋستە بالالار مەن جاسٶسپٸرٸمدەر, ەيەلدەر مەن كەسٸپوداق بەلسەندٸلەرٸ, مەدەني قىزمەتكەرلەر مەن زەينەتكەرلەردٸڭ قۋعىندالۋى تۋرالى جارييالانعان التىنشى قۇجات.
