بەلگٸلٸ اقىندار مارالتاي رايىمبەكۇلى, جاراس سەرسەك, ەرلان جٷنٸس جازۋشى جٷسٸپبەك قورعاسبەكتٸڭ باعدارلاماسىنا كەلٸپ, اقىن ەمٸرحان بالقىبەك تۋرالى سىرلارىمەن بٶلٸستٸ, – دەپ حابارلايدى «ۇلت اقپارات».
قالامگەر جٷسٸپبەك قورعاسبەكتٸڭ ايتۋىنشا, ەمٸرحان تۋرالى ەڭگٸمە كٶپ, اڭىز دا بولا باستاعان. «ەمٸرحاننىڭ «باس» دەگەن ٶلەڭٸ بار. مەن ٶزٸم ەمٸرحاننىڭ تاعدىرىنا بايلانىستى, وسى ٶلەڭنٸڭ كەيٸپكەرٸ دە, جەندەت تە ەمٸرحاننىڭ ٶزٸ مە دەپ ويلاپ قالدىم. ەڭگٸمەمٸزدٸ ەمٸرحاننىڭ تاعدىرىنان باستاساق...» دەيدٸ جازۋشى.
اقىندا, جالپى ٶنەر ادامىندا بولاشاقتى ٶزٸنٸڭ تاعدىرىن بولجاۋ دەيتٸن بٸر دٷنيە بار ەكەنٸن ايتقان مارالتاي رايىمبەكۇلى ەمٸرحانمەن كٶرشٸ تۇرعانىن ايتىپ, ونى ٷنەمٸ ويلايتىنىن جەتكٸزدٸ.
«اقىندا, جالپى ٶنەر ادامىندا بولاشاقتى ٶزٸنٸڭ تاعدىرىن بولجاۋ دەيتٸن بٸر دٷنيە بار. ول شىندىقتان الىس كەتپەيدٸ. بٸراق مەن وسى ەمٸرحاننىڭ باسىنداعى كٶك تاسىنا ەپيتافييا تاڭداعان كەزدە, وسى جاراس بار, جاقىن جٷرگەن ازاماتتار بار, بٸز كٶپتەگەن ٶلەڭدەرٸنٸڭ ٸشٸنەن سٷزٸپ الىپ, ەكٸ جول, بٸر شۋماق ٶلەڭدٸ ٸزدەدٸك. سول كەزدە بٸزدٸڭ كٶزٸمٸزگە تٷسكەن جالعىز شۋماق:
سۋىعى ٶتسٸن جاھاننىڭ جاۋىرىنان,
ىمىراسىز ىقپاسام داۋىلىنان.
بٸلەم قازا بولسا ول تابيعاتتان,
دٸنٸم تٸپ-تٸك تۇرعانى تامىرىنان, - دەيدٸ. ٶزٸنٸڭ تاعدىرىن ٶزٸنٸڭ جىرلارىندا بولجادى. ٶزٸنٸڭ شىعارماسىندا ٸزدەنگەن باقتارىنداعى, ٶزٸنەن بۇرىن ٶمٸر سٷرگەن ەلەم ەدەبيەتٸندەگٸ ۇلى تۇلعالاردىڭ تاعدىرىنان ٸزدەدٸ مە دەپ ويلايمىن.
مەن ەمٸرحاننان بۇرىن ٶلەڭ وقىسام, ول مەنەن كەيٸن ٶلەڭ وقىسا, ەمٸرحان مەنەن اسىپ تٷسٸپ وقىعىسى كەلەتٸن. مەن دە كەرٸسٸنشە ەمٸرحاننان كەيٸن وقىسام, ودان اسىپ تٷسكٸم كەلەتٸن. اۋديتورييانى ٶزٸمە باۋراعىم كەلەتٸن. بۇل ٶزٸ سولاي بولۋى تيٸس نەرسە عوي. اقىن سونداي بولۋ كەرەك. سوسىن ەمٸرحان تانىمدىق ماقالالارعا كٶپ باردى عوي, مىنا تٷركٸ ەلەمٸنە, باسقا ەلەمگە ەرتٷرلٸ فورمالارعا بارلاۋعا بارادى دا, سول ماقالانى جازاتىن كەزدە سول باعىتتى تەرەڭدەتٸپ بٸلەتٸن ادامدارمەن تەلەفونمەن سٶيلەسەدٸ نەمەسە بارىپ سٶيلەسەدٸ. سولارمەن ورتاق بٸر شەشٸمگە كەلەدٸ. سٶيتٸپ بارىپ, ماقالانىڭ ٸرگەتاسىن قالايدى. ەمٸرحان دەيتٸن ۇشان-تەڭٸز ەلەم عوي. مەن ەمٸرحان دٷنيەدەن ٶتكەلٸ بەرٸ ونى ويلاماعان بٸر كٷنٸم جوق. كٷنٸگە ويلايمىن, كٷنٸگە مٸندەتتٸ تٷردە ەسٸمە ەمٸرحان تٷسەدٸ. بٸز كٶرشٸ تۇرامىز عوي, كەيدە جۇمىستان كەلە جاتقان كەزدە, بالكوننان «مەكە, قالاي» دەپ قول بۇلعاپ تۇراتىن. سول جەردە جٷرگەن سيياقتى, كٶزگە كٶرٸنبەي ەلەس جٷرگەن سيياقتى. ەمٸرحاننىڭ قازاسىن العاش ەستٸگەن دە مەن بولدىم, اۋىر جاعداي بولدى. ەمٸرحاندى دا ەلٸ, جۇرتى, حالقى الاقانىنا سالىپ ايالاپ, شىعارىپ سالدى. سوندا اناسى تۇرسىن اپامىز تەبٸرەندٸ», – دەيدٸ مارالتاي رايىمبەكۇلى
ال قالامداسى جاراس سەرسەك ەمٸرحان بالقىبەكتٸڭ تەگٸن ادام ەمەس ەكەنٸن تٸلگە تيەك ەتٸپ, ول شىعارما جازاردا قانداي كٷيدە بولاتىنىن ەسكە الدى.
«تەگٸن ادامدا ارقا بولمايدى عوي, ەمٸرحان تەگٸن ادام ەمەس. ونىڭ ارقاسى بولدى. توپقا تٷسكەندە كٶزٸنٸڭ شىراداي جانۋى, ٶزٸن ٶزٸ بيلەي الماۋى, سونىڭ بەرٸ اقىنعا تابيعاتتان بەرٸلگەن ارقا عوي دەپ ەسەپتەيتٸنبٸز. شارشى توپتا ٶلەڭ وقىعاندا, سٶز سٶيلەگەندە جانىپ كەتەتٸن.
ستۋدەنت كەزٸمٸزدە بٸر بٶلمەدە تۇردىق. ٷلكەن ٶمٸرگە ارالاسقان كەزدە دە بٸر ٷيدە تۇردىق. ول تاڭەرتەڭ جۋىنعان كەزدە دە ىڭىلداپ ەن سالىپ جٷرەتٸن. مەن ونى ەن سالىپ جٷر دەپ ويلامايتىنمىن. بولاشاق شىعارمانىڭ سۇلباسىن ەلەستەتٸپ جٷر دەپ ويلايتىنمىن. كٶبٸنەسە تابىلدىڭ ەندەرٸن سالاتىن. حالىق ەندەرٸنەن دە ىڭىلداپ ەن سالىپ جٷرەتٸن. ال تٷستەن كەيٸن قاراساڭ, ول جاڭا بٸر شىعارمانىڭ سٷيەگٸن قالاپ شىققانداي قۋانىشتان ىڭىلداپ كەلٸپ, ەن سالىپ, «جەۋكە, مىنانى تىڭداپ كٶرەسٸڭ با? بٷگٸن جازدىم» دەيتٸن. «تاڭەرتەڭ ەن سالعان كەزدەگٸ دٷنيەڭ وسى ەمەس پا سەنٸڭ?» دەيمٸن عوي. ىرعاعىن ٸزدەۋ, بولاشاق جازىلاتىن شىعارمانىڭ ىرعاعىن تاۋىپ الۋ عوي ەن سالۋى. ەمٸرحاننىڭ ۇعىمىنداعى ەن سالۋ ىڭىلداۋ بولاتىن, ول ەن سالۋعا كەلمەيتٸن شىعار» – دەيدٸ جاراس سەرسەك.
ال ەرلان جٷنٸس ونىڭ ەرەكشە قابٸلەتٸن ەسكە الىپ, ونىڭ ەرەكشە مٸنەزٸ تۋرالى دا ايتتى.
«مەنٸڭ كٶز الدىمدا قالعان بٸرنەشە كٶرٸنٸسٸ بار. ول كٶرٸنٸستەردە ەر تٷرلٸ سيتۋاتسييالاردا, ەرتٷرلٸ ورىنداردا, ەرتٷرلٸ جاعدايلاردا... سوندا ەمٸرحان بالقىبەكتٸڭ سٶزدٸ ايتۋ ٷشٸن ايتادى. ول ارنايى بٸر اۋديتوريياعا باعىتتامايدى. ارنايى بٸر ادرەساتى جوق. بەلگٸلٸ بٸر ادامعا ايتپايدى. ول جاي عانا ايتقىسى كەلەدٸ. وسى نەرسەنٸ مەن قانشاما رەت بايقادىم. ەڭگٸمە ايتىپ وتىرعان كەزدە ونى بٸرەۋدٸڭ تىڭداپ وتىرعانى, بٸرەۋدٸڭ ىرجالاقتاپ وتىرعانى, بٸرەۋدٸڭ سٶيلەپ وتىرعانىنىڭ ماڭىزى بولمايدى. ول ٶزٸنٸڭ قوڭىر, ازداعان قىرىلى بار داۋسىمەن ايتادى», – دەيدٸ ەرلان جٷنٸس.
