امەريكالىقتار اسىراپ العان ارمان اتتى جاس جٸگٸت قازاقستانداعى تۋىستارىن تاۋىپ الدى. بۇل تۋرالى Facebook پاراقشاسىندا جۋرناليست جەڭٸس قۇسپان جازدى, دەپ حابارلايدى "ۇلت اقپارات".
بٸرنەشە كٷن بۇرىن Kazakh American Association اتتى Facebook پاراقشادا ارماننىڭ قازاقستانداعى تانىسى ايدا كٶشەكباەۆا اتتى قولدانۋشى اقش-تاعى قانداسىمىزدىڭ تۋىستارىن ٸزدەپ جٷرگەنٸ تۋرالى جازعان ەدٸ.
كٶپ ۋاقىت ٶتپەي امەريكاداعى جٸگٸت وعان تۋعان-تۋىستارىن تاپقانى تۋرالى حابارلاپتى.
«بەرٸڭٸزگە راحمەت, مەن تۋىستارىمدى تاپتىم!» دەپ جازدى امەريكالىقتار اسىراپ العان ارمان», - دەپ جازادى جەڭٸس قۇسپان Facebook پاراقشاسىندا.
كٶپ ۋاقىت ٶتپەي جۋرناليست وقىرمانعا ارماننىڭ ەپكەسٸمەن بايلانىسقا شىعىپ, ەكەۋٸ ىم تٸلٸمەن سٶيلەسٸپ جاتقانىن جارييا ەتتٸ.
«مەن ارماننىڭ ەپكەسٸمٸن. ول مەنٸڭ باۋىرىم. ونىڭ دا, مەنٸڭ دە قۇلاعىمىز ەستٸمەيدٸ. ىممەن تٸلدەسەمٸز. قازاقستان مەن امەريكاداعى ىم تٸلٸ ەكٸ تٷرلٸ بولسا دا, بٸر-بٸرٸمٸزدٸ تٷسٸنەمٸز. مەن ونى بۇرىننان ٸزدەيتٸن ەدٸم. ەندٸ عانا تاپتىم», - دەپ جازعان ارماننىڭ ەپكەسٸ.
