Amerikalyqtar asyrap alǵan Arman atty jas jigit Qazaqstandaǵy týystaryn taýyp aldy. Bul týraly Facebook paraqshasynda jýrnalist Jeńis Quspan jazdy, dep habarlaidy "Ult aqparat".
Birneshe kún buryn Kazakh American Association atty Facebook paraqshada Armannyń Qazaqstandaǵy tanysy Aida Kóshekbaeva atty qoldanýshy AQSh-taǵy qandasymyzdyń týystaryn izdep júrgeni týraly jazǵan edi.
Kóp ýaqyt ótpei Amerikadaǵy jigit oǵan týǵan-týystaryn tapqany týraly habarlapty.
«Bárińizge rahmet, men týystarymdy taptym!» dep jazdy amerikalyqtar asyrap alǵan Arman», - dep jazady Jeńis Quspan Facebook paraqshasynda.
Kóp ýaqyt ótpei jýrnalist oqyrmanǵa Armannyń ápkesimen bailanysqa shyǵyp, ekeýi ym tilimen sóilesip jatqanyn jariia etti.
«Men Armannyń ápkesimin. Ol meniń baýyrym. Onyń da, meniń de qulaǵymyz estimeidi. Ymmen tildesemiz. Qazaqstan men Amerikadaǵy ym tili eki túrli bolsa da, bir-birimizdi túsinemiz. Men ony burynnan izdeitin edim. Endi ǵana taptym», - dep jazǵan Armannyń ápkesi.
