بٷگٸن «Nur Otan» پارتيياسىنىڭ قوعامدىق قابىلداۋىندا الماتى وبلىسىنىڭ ەكٸمٸ, «Nur Otan» پارتيياسى وبلىستىق فيليالىنىڭ تٶراعاسى اماندىق باتالوۆ ازاماتتاردى قابىلدادى. ٶڭٸر باسشىسىنا ٶزدەرٸنٸڭ جەكە مەسەلەلەرٸمەن جەنە تٷرلٸ ەلەۋمەتتٸك مەسەلەلەرمەن 12 ازامات جٷگٸندٸ.
وبلىس ەكٸمٸ ٸلە اۋدانىنىڭ «اۆتوموبيليست» ساياجاي بٸرلەستٸگٸنٸڭ تۇرعىنى كٶتەرگەن بٸرنەشە مەسەلەنٸ ەرەكشە نازارعا الدى. سونىڭ ٸشٸندە كٶشەنٸ جارىقتاندىرۋ, بالالاردى مەكتەپكە تاسيتىن اۆتوبۋستىڭ توزعاندىعى, سول سيياقتى الماتى تراسساسىنا شىعاتىن جەنە كٸرەتٸن تٸكەلەي جول سالىپ بەرۋ جايى كٶتەرٸلدٸ. اماندىق باتالوۆ ٶزٸنٸڭ بٸرٸنشٸ ورىنباسارى لاززات تۇرلاشوۆتىڭ جەتەكشٸلٸگٸمەن ارنايى جۇمىس توبىنىڭ اتالعان ەلدٸ مەكەنگە بارىپ كٶرٸپ, تۇرعىندار كٶتەرگەن مەسەلەلەردٸ شەشۋ تۋرالى ۇسىنىستار دايىنداۋىن تاپسىردى.
- ٶزدەرٸڭٸز بٸلەسٸزدەر, بٸز قازٸر تالدىقورعان قالاسىنىڭ ماڭىنداعى ساياجايلار مەن قالا ماڭىنداعى اۋماقتارعا كٶپ كٶڭٸل بٶلٸپ كەلەمٸز. جولدارىن جٶندەپ جاتىرمىز, كٶشەلەرٸنە جارىق ورناتىپ, ورتالىقتاندىرىلعان اۋىز سۋعا قوسۋ مەسەلەلەرٸن شەشە باستادىق, تٸپتٸ گاز تارتىپ قويدىق. وسىلايشا سٸزدەر تۇراتىن ساياجايدىڭ ينفراقۇرىلىمى مەسەلەسٸن دە بٸرتە-بٸرتە شەشەمٸز. بٸرٸنشٸ كەزەكتە ساياجايلار مەن شاعىن اۋىلداردان بالالاردى مەكتەپكە تاسىمالداۋ مەسەلەسٸن شەشۋ ٷشٸن جەرگٸلٸكتٸ بيۋدجەتتەن قارجى بٶلٸپ, ساتىپ العالى وتىرعان 70 جاڭا اۆتوبۋستىڭ بٸرەۋٸ سٸز تۇراتىن ساياجايعا بٶلٸنەتٸن بولادى, - دەدٸ وبلىس ەكٸمٸ.
سول سيياقتى اماندىق باتالوۆ قاراساي اۋدانىنان كەلگەن, جەتٸم بالالارعا ٷي بەرۋ تۋرالى ايتقان ينديرا بەكباتىروۆا مەن رۋسلانا ۆوروبەۆانىڭ دا ٶتٸنٸشتەرٸنە جٸتٸ نازار اۋداردى.
اماندىق باتالوۆ جەتٸم بالالار بەلگٸلەنگەن كەزەك رەتٸنە ساي تۇرعىن ٷيمەن قامتىلۋى تيٸس ەكەنٸن ايتتى. مەملەكەت تاراپىنان سالىنىپ جاتقان ەربٸر تۇرعىن ٷي پەتەرلەرٸنٸڭ 20 %-ٸ جەتٸم بالالارعا بەرٸلەدٸ. قاراساي اۋدانىنىڭ ەكٸمٸنە وسى مەسەلەنٸ نازارعا الۋدى, سول سيياقتى مال دەرٸگەرٸ ماماندىعىنا وقىعان رۋسلانا ۆوروبەۆانى جۇمىسقا ورنالاستىرۋ جاعىن قاراستىرۋدى تاپسىردى.
بۇل رەتتە ي. بەكباتىروۆانىڭ تۇرعىن ٷي كەزەگٸندەگٸ كەزەك رەتٸ – 147, ال ر. ۆوروبەۆا 102-شٸ بولىپ تۇرعانىن ايتا كەتۋ كەرەك. جالپى قازٸرگٸ كەزدە قاراساي اۋدانىندا «جەتٸم بالالار جەنە اتا-اناسىنىڭ قامقورلىعىنسىز قالعان بالالار» ساناتىندا 700 ادام كەزەكتە تۇر.
تىل ەڭبەككەرٸ, «التىن القا» يەگەرٸ اينابالا ەبزەلباەۆا دا باسپانا مەسەلەسٸن كٶتەردٸ. قازٸرگٸ كەزدە كٶپ بالالى انا تۇرعىن ٷي كەزەگٸندە 238-شٸ بولىپ تۇر. تالدىقورعان قالاسىنىڭ ەكٸمٸ عالىمجان ەبدٸرايىموۆتىڭ ايتۋىنشا, تۇرعىن ٷي سالۋدىڭ جوسپارىنا سەيكەس ٶتٸنٸش يەسٸ بيىلعى جىلى كەزەك رەتٸ بويىنشا كٶپتەن كٷتكەن باسپاناعا قول جەتكٸزە الادى.
گٷلسٸم ەبٸلمەجٸنوۆا مەملەكەتتٸك تۇرعىن ٷي قورىنان العان ٷيٸن جەكەشەلەندٸرۋگە كٶمەك سۇرادى. ازاماتشانىڭ سۇراعىنا جاۋاپ بەرگەن وبلىس ەكٸمٸ زاڭ بويىنشا تۇرعىن ٷيدٸ قالعان قۇنىن تٶلەۋ ارقىلى جەكەشەلەندٸرە الاتىنىن تٷسٸندٸردٸ.
سونىمەن قاتار تالدىقورعان قالاسىنىڭ كٶشەسٸنە اتاۋ بەرۋ, الماتى كٶپ سالالى كلينيكالىق اۋرۋحاناسىنىڭ لور دەرٸگەرٸنٸڭ مەديتسينالىق قىزمەت كٶرسەتۋ ساپاسىنا نارازىلىق, سول سيياقتى سوت داۋلارىن شەشۋگە زاڭدىق كٶمەك سۇراعان مەسەلەلەر دە ايتىلدى.
ەربٸر سۇراققا اماندىق باتالوۆ تولىققاندى جاۋاپ بەرٸپ, تىڭعىلىقتى تٷسٸندٸردٸ. بۇل رەتتە وبلىستىق دەنساۋلىق ساقتاۋ باسقارماسىنىڭ باسشىسى باۋىرجان ىسقاقتىڭ جۇمىسىن قاتاڭ سىنعا الدى. قابىلداۋ قورىتىندىسىندا اۋدان, قالا ەكٸمدەرٸنە, تيٸستٸ باسقارمالاردىڭ باسشىلارىنا ناقتى تاپسىرمالار بەردٸ.
