بٷگٸن الماتى وبلىسى ەكٸمٸ اماندىق باتالوۆ كٶپ بالالى انالاردىڭ بەلسەندٸ توبىن قابىلدادى. ٶتكەن جىلدىڭ سوڭىندا كٶپ بالالى انالار تۇرعىن ٷيگە قاتىستى پروبلەمالاردى العا تارتىپ, مەسەلە كٶتەرگەن بولاتىن. وسىعان بايلانىستى 2018 جىلدىڭ جەلتوقسان ايىندا قابىلداۋىندا بولعان انالارمەن بٷگٸن اماندىق باتالوۆ تاعى دا كەزدەستٸ. باسقوسۋدا ٶز ورىنباسارى اقان ەبدۋەليەۆ پەن تالدىقورعان قالالىق تٷكش بٶلٸمٸنٸڭ باسشىسى نۇرلان قىستاۋباەۆتان كٶپ بالالى انالاردى العاش قابىلداعان ۋاقىتتا بەرٸلگەن تاپسىرمالاردىڭ قايسىسى قانداي دەڭگەيدە ورىندالعانىن تەپٸشتەپ سۇرادى.
اقان ەبدۋەليەۆتٸڭ ايتۋىنشا, وبلىستا 2 مىڭنان استام كٶپ بالالى انا تۇرعىن ٷي كەزەگٸندە تۇر. اۋدان, قالا ەكٸمدەرٸنە توقسان سايىن كەزەكتٸڭ جىلجۋ رەتٸ, بەرٸلگەن ٷيلەر تۋرالى ەسەپ بەرٸپ وتىرۋ تاپسىرىلعانىن ايتتى. قالا ەكٸمدٸگٸ كٶپ بالالى وتباسىلارعا بەرٸلەتٸن كٶپقاباتتى ٷيدٸڭ ورنى تاياۋ ارادا وبلىس ەكٸمٸمەن كەلٸسٸلەتٸنٸن جەتكٸزدٸ.
ٶز كەزەگٸندە كٶپ بالالى انالاردىڭ ۋەجٸن جەنە ەكٸمدٸك ٶكٸلدەرٸنٸڭ بايانداۋىن تىڭداعان وبلىس ەكٸمٸ ا. باتالوۆ الدىڭعى بەرٸلگەن تاپسىرمالاردىڭ, سونىڭ ٸشٸندە كەزەك رەتٸ تۋرالى اقپارات بەرۋ ٸسٸنٸڭ ەلٸ دە رەتتەلمەگەنٸن, كٶپ بالالى وتباسىلارىنا ارناپ ٷي سالۋ مەسەلەسٸندە دە ناقتى ۇسىنىس جوقتىعىن سىنعا الدى. ەڭ باستىسى قالا ەكٸمدٸگٸنٸڭ قابىلداۋعا بارعان ەربٸر ازاماتتى جىلى قارسى الىپ, تۋىنداعان مەسەلەلەردٸ زاڭدىق تۇرعىدا ەگجەي-تەگجەيلٸ تٷسٸندٸرٸپ بەرۋٸ كەرەكتٸگٸن قاداپ ايتتى.
«مەن وسى كٶتەرٸلٸپ وتىرعان مەسەلەلەردٸڭ قالاي شەشٸلٸپ جاتقانىن بٸلۋ, سول جۇمىستاردان ٶزدەرٸڭٸزدٸ حاباردار ەتٸپ وتىرۋ ٷشٸن وسىنداي قابىلداۋدى بٸر ايدان كەيٸن تاعى ٶتكٸزەمٸن, ياعني اي سايىن وسىلايشا ٸستٸ پىسىقتاپ, قاداعالاپ وتىرامىن», - دەدٸ ا. باتالوۆ كٶپ بالالى انالارعا قاراتىپ. ال ەكٸمدٸكتٸڭ جاۋاپتى تۇلعالارىنا:
«ٶتكەندە بەرٸلگەن تاپسىرمالاردى تاعى دا قايتالايمىن. وعان قوسا بەلسەندٸ توپ ٶكٸلدەرٸن قالا ەكٸمٸ داستان شالتاباەۆ قابىلداپ, ەرقايسىمەن جەكە-جەكە ەڭگٸمەلەسٸپ, مەسەلەلەرٸنٸڭ شەشٸلۋ بارىسىنان حاباردار ەتٸپ وتىرسىن. اقپان ايىنداعى باسقوسۋعا دەيٸن تىندىرىمدى ٸس اتقارۋىلۋى كەرەك», - دەدٸ ا. باتالوۆ.
