كەمەروۆو وبلىسىنىڭ بۇرىنعى گۋبەرناتورى, 73 جاستاعى امان تٶلەەۆ ٶڭٸردٸڭ حالىق دەپۋتاتتارى كەڭەسٸندە مانداتقا يە بولدى, دەپ حابارلايدى تاسس ٶڭٸردٸڭ سايلاۋ كوميسسيياسىنا سٸلتەمە جاساپ.
«بٷگٸن كەمەروۆو وبلىستىق سايلاۋ كوميسسيياسىنىڭ وتىرىسى ٶتتٸ. وندا تٶرتٸنشٸ شاقىرىلىمداعى كەمەروۆو وبلىستىق حالىق دەپۋتاتتارى كەڭەسٸنٸڭ بوس مانداتىن «ەدينايا روسسييا» پارتيياسىنىڭ كەمەروۆو ٶڭٸرلٸك بٶلٸمشەسٸنەن تٶلەەۆ امانگەلدٸ مولداعازىۇلىنا بەرۋ مەسەلەسٸ قارالدى. بوس دەپۋتاتتىق مانداتتى وعان بەرۋ تۋرالى شەشٸم قابىلداندى», - دەدٸ سايلاۋ كوميسسيياسىنىڭ ٶكٸلٸ.
سونداي-اق, ول 2013 جىلى وبلىستىق كەڭەس دەپۋتاتتارىن سايلاۋدا «ەدينايا روسسييا» پارتيياسىنىڭ ۇسىنعان كانديداتتار تٸزٸمٸندە تٶلەەۆتٸڭ كٶش باستاپ تۇرعانىن اتاپ ٶتتٸ.
73 جاستاعى امان تٶلەەۆ كەمەروۆو وبلىسىن 1997 جىلدان بەرٸ باسقارىپ كەلدٸ. ول كەمەروۆودا بولعان قايعىلى جاعدايدان كەيٸن رف پرەزيدەنتٸ ۆلاديمير پۋتينگە ٶز ەركٸمەن قىزمەتٸنەن كەتۋ تۋرالى ٶتٸنٸش بٸلدٸرگەن ەدٸ.
