«اباي» شاحتاسىندا ورىن العان مەتاننىڭ كەنەتتەن تارالۋى كەزٸندە امان قالعان ەكٸ كەنشٸ سول كٷنگٸ اپات تۋرالى ايتىپ بەردٸ. ولار 6 ەرٸپتەسٸنٸڭ ٶلٸمٸنە قاتىستى كٶڭٸل ايتىپ, دەرٸگەرلەر مەن قۇتقارۋشىلارعا العىس بٸلدٸردٸ, دەپ حابارلايدى قازاقپارات تٸلشٸسٸ.
ەلايدىن زەينالوۆ پەن جەڭٸس مارالباەۆ 7 قاراشادا اۋرۋحاناعا جەتكٸزٸلدٸ. ەكٸ ناۋقاس تا شاحتالىق گازدان, ونىڭ ٸشٸندە مەتان جەنە ۋلى گازدان جٸتٸ ۋلانعان.
ەرٸ قاراي كٶمەك كٶرسەتۋ ٷشٸن جانساقتاۋ بٶلٸمٸنە جاتقىزىلدى.
8 قاراشادا رەانيماتسييادان شىققان ناۋقاستار ودان ەرٸ ەمدەۋ ٷشٸن پالاتاعا, توكسيكولوگييا بٶلٸمٸنە اۋىستىرىلدى.
قاراعاندى وبلىسى دەنساۋلىق ساقتاۋ باسقارماسىنىڭ مەلٸمەتٸنشە, ولاردىڭ جاعدايى تۇراقتى.
كٶرسەتكٸش نەتيجەسٸنە قاراي وتىرىپ, ولاردى كەلەسٸ اپتادا ٷيگە شىعارۋى مٷمكٸن. كەنشٸلەر قايعىلى كٷندٸ تٷرشٸگە ەسكە الادى.
«بٸز جۇمىسقا كەلدٸك. بەرٸ جاقسى بولدى. جۇمىسقا دايىندالا باستادىق. اپات نەلٸكتەن بولعانىن ەشكٸم بٸلمەيدٸ. بٸر مەزگٸلدە دايىندىقپەن اينالىساتىن جٸگٸتتەر: «گاز. شىعىڭدار» دەپ ايقاي سالدى. بٸز قايتا بۇرىلىپ, شىعا باستادىق. ەرٸ قاراي نە بولعانىن تٷسٸنبەي قالدىم. باسقا ەشتەڭە ەسٸمدە جوق. شاڭ كٶتەرٸلدٸ. جەل تۇردى. قۇبىردان سورىپ شىعارىپ جاتقانداي سەزٸندٸم ٶزٸمدٸ. مەنٸ الىپ شىققانى ەسٸمدە. اپات ورىندا بٸر ساعاتقا جۋىق جاتتىم. قۇدايعا شٷكٸر, تٸرٸ قالدىم. قازا بولعاندار مەڭگٸ ەسٸمٸزدە قالادى. ولاردى ەسٸمە العان سايىن جٷرەگٸم سىزدايدى. بەرٸمٸز بٸرگە يىق تٸرەسە جۇمىس ٸستەدٸك. ەڭ از بٸلەمٸن دەگەن جٸگٸتتەرمەن بەس-التى جىل بٸرگە جۇمىس ٸستەدٸك. ال كٶبٸسٸمەن 15-20 جىل قىزمەتتەس بولدىق. بارلىعى دا جاقسى جٸگٸتتەر ەدٸ. ەشقاشان ۇمىتپايمىن. بٸز قالاي كٶمەكتەسەر ەدٸك? قولىمىزدان ەشتەڭە كەلمەدٸ. ال ولاردىڭ اتا-انالارىنا سابىر تٸلەيمٸن, وسى قايعىعا تٶتەپ بەرەر جٸگەر تٸلەيمٸن. بٸز شامامىز كەلگەنشە قولداۋ كٶرسەتەمٸز», - دەيدٸ ەلايدىن زەينالوۆ.
ول سونداي-اق دەرٸگەرلەرگە جەنە بارلىق مەديتسينالىق قىزمەتكەرلەرگە كٶرسەتكەن كٶمەكتەرٸ ٷشٸن العىسىن بٸلدٸردٸ.
جەڭٸس مارالباەۆ تا دەرٸگەرلەر مەن قۇتقارۋشىلارعا العىسىن بٸلدٸردٸ.
«بارلىق سەتتەر ەسٸمدە جوق. جارق ەتتٸ. كەنەتتەن جارىلىس سەزٸندٸم. سودان كەيٸن تٷتٸن شىقتى. شامدار شيقىلداي باستادى. ەسٸمنەن تانىپ قالدىم. شاحتينسك بٶلٸمشەسٸنەن كەلگەن جٸگٸتتەرگە راحمەت. جەدەل شىعارىپ الدى. مەنٸ بٸرٸنشٸ شىعاردى. گازدىڭ يٸسٸ دە, دەمٸ دە جوق. بٸرنەشە رەت دەم الاسىڭ, ەسٸڭنەن تانىپ قالۋعا سول دا جەتكٸلٸكتٸ. دەرٸگەرلەرگە راحمەت. بارلىق ەم-شارالارىن جاسادى. كٷتٸم دە جاقسى بولدى. شاحتينسك بٶلٸمشەسٸنەن كەلگەن جٸگٸتتەرگە جەكە العىسىمدى ايتامىن. ٶتە جىلدام جۇمىس ٸستەدٸ. قۇتقارىپ الدى», - دەيدٸ امان قالعان ەكٸنشٸ شاحتەر جەڭٸس مارالباەۆ.
ەسكە سالا كەتەيٸك,7 قاراشادا «اباي» شاحتاسىندا جەلدەتكٸش شترەك كەنجارىندا مەتان تارالدى. اپات سالدارىنان التى شاحتەر قازا تاپتى, تاعى ەكەۋٸ اۋرۋحاناعا تٷستٸ.
ەسكە سالايىق, 7 قاراشادا «ارسەلورميتتال تەمٸرتاۋ» اق كٶمٸر دەپارتامەنتٸنٸڭ «اباي» شاحتاسىندا مەتان گازى تاراي باستاعان.
بۇل ۋاقىتتا شاحتادا 64 ادام جۇمىس ٸستەپ جاتقان, 54-ٸ ەۆاكۋاتسييالاندى.
اپات سالدارىنان ەكٸ ادام زارداپ شەگٸپ, التى كەنشٸ قازا تاپتى. زارداپ شەككەندەر اۋىر حالدە جانساقتاۋ بٶلٸمٸندە جاتىر.
پرەزيدەنت قاسىم-جومارت توقاەۆ قازا تاپقان شاحتەرلەردٸڭ جاقىندارى مەن تۋىستارىنا كٶڭٸل ايتتى. سونداي-اق زارداپ شەككەن ازاماتتاردىڭ تەزٸرەك ساۋىعىپ كەتۋٸنە تٸلەكتەستٸك بٸلدٸردٸ.
