قازاقستاننىڭ حالىق ەرتٸسٸ التىنبەك قورازباەۆ قوردايداعى جانجالعا بايلانىستى پٸكٸرٸن بٸلدٸرٸپ, كٶپتٸ اۋىزبٸرشٸلٸككە شاقىردى, دەپ حابارلايدى قازاقپارات تٸلشٸسٸ.
«قادٸرلٸ حالقىم! جامبىل ٶڭٸرٸندەگٸ جەرلەستەرٸم! كەشەلٸ بەرٸ ايقاي-شۋ كٶبەيٸپ, ەستۋٸمشە ۇلتارالىق كەلٸسپەۋشٸلٸك بولىپ جاتقان كٶرٸنەدٸ. اينالايىندار, بٸز قازاق دەگەن كەڭ حالىقپىز. قۇشاعىمىز دا كەڭ. بٸز ٶتە سانالى دا اقىلدى, بارلىق جاعىنان – ساۋدا بولسىن, ٶنەر بولسىن بەيٸم حالىقپىز. كٸشكەنە سابىر ساقتاڭىزدار. ەل ٸشٸندە بٸر-ەكٸ بۇزىق بولۋى مٷمكٸن. ول بٸزدە دە, باسقادا دا بار. باياعى سوعىس كەزٸندە نەمٸستەردٸ, شەشەندەردٸ, قاراشايلار مەن ۋكراينداردى قۇشاعىمىزعا العان ەلمٸز. ەكەم تٸپتەن ەكٸ بٶلمەلٸ كٸشكەنتاي قورجىن تامىنا التى بالاسىمەن بٸردەي مۇحامەت دەگەن قاراشاي ازاماتىن پانالاتقان. ال ولار قازٸر قازاق دەسە جانىن بەرەدٸ. ٶتكەنٸمٸزگە قاراپ, اقىلعا توقتايىق», - دەيدٸ التىنبەك قورازباەۆ.
قازاقستاننىڭ حالىق ەرتٸسٸ زايىرلى ەرٸ قۇقىقتىق مەملەكەتتە ٸستٸڭ اق-قاراسى انىقتالاتىنىنا سەنٸم بٸلدٸردٸ.
«جۇدىرىق بٸزدٸكٸ ەكەن دەپ, ٶكتەمدٸك جاساماي-اق قويايىق, اعايىن. اقىلعا توقتاڭدار. دٷنگەندەر - ەڭبەكقور. باياعىدا ەسٸمدە جامبىل وبلىسىنداعى ۋلانوۆكا دەگەن اۋىلدا دٷنگەننەن كەڭەس وداعىنىڭ ەڭبەك ەرٸ بولدى. جۇمىس دەسە بۇلار قۇلشىنا كٸرٸسەتٸن. جەر تىرمالاپ جىلىنا ٷش-تٶرت رەت ٶنٸم الىپ جاتاتىن. كەشەگٸ لوندوندا ٶتكەن وليمپيادا ويىندارىندا وسى دٷنگەننەن سپورتشىلار قازاقتىڭ كٶك تۋىن جەلبٸرەتٸپ, ەلەمگە قازاقتى پاش ەتتٸ. الماتىدا دٷنگەننەن كومپوزيتور دوسىم بار. ول كٸسٸ قازاق دەسە ٸشكەن اسىن جەرگە قويادى. تاتۋ-تەتتٸ ٶمٸرٸمٸزبەن باسقا ەلگە ٷلگٸمٸز. كٷندە شۋ مەن ايقاي بولىپ جاتسا, مۇنىڭ ارتى جاقسىلىققا اپارمايدى. اقىلعا كەلٸڭدەر, اينالايىندار», - دەپ سٶزٸن اياقتادى التىنبەك قورازباەۆ.
بۇعان دەيٸن جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي تٶبەلەس بولعانىن حابارلاعان بولاتىنبىز.
كٶپ ۋاقىت ٶتپەي پرەزيدەنت قاسىم-جومارت توقاەۆ وسى وقيعاعا قاتىستى پٸكٸر بٸلدٸردٸ.
«جامبىل وبلىسى قورداي اۋدانىندا بۇزاقىلىق سيپاتتاعى جاپپاي تٶبەلەس بولدى. ونى ارانداتۋشىلار ٶز پايداسىنا قولدانباق بولعان. پوليتسييا جاعدايدى رەتتەپ, ٶز باقىلاۋىنا الدى. قوعامدىق تەرتٸپتٸ بۇزعاندار جاۋاپكەرشٸلٸككە تارتىلادى», دەپ جازدى قاسىم-جومارت توقاەۆ Twitter-دەگٸ پاراقشاسىندا.
ال بٷگٸن مەملەكەت باسشىسى جامبىل وبلىسىنداعى وقيعاعا بايلانىستى مەلٸمدەمە جاسادى.
