فوتو: ماڭعىستاۋ وبلىستىق پد باسپاسٶز قىزمەتٸ
ماڭعىستاۋ وبلىسى پوليتسييا دەپارتامەنتٸ مەملەكەتتٸك ساتىپ الۋلار سايتىندا سىيلىققا ارنالعان ساعاتتار ساتىپ الاتىنىن جارييالادى. بۇل تۋرالى ٶڭٸرلٸك Lada.kz باسىلىمى جازدى.
شەندٸلەر بٸردەن 180 داناسىن الۋعا تاپسىرىس بەرگەن. قازٸر ٶنٸم بەرۋشٸلەردەن ٶتٸنٸمدەر قابىلدانىپ جاتىر, ال ٶتٸنٸم قابىلداۋ بٷگٸن 17:45-تە اياقتالادى.
باسىلىمدا مەملەكەتتٸك ساتىپ الۋ تۋرالى حابارلاندىرۋدىڭ سۋرەتٸ دە جارييالانعان.
بٸر قاراعاندا, بۇل كەدٸمگٸ مەملەكەتتٸك تاپسىرىس سيياقتى كٶرٸنەدٸ, بٸراق ەڭ قىزىعى تەحنيكالىق سيپاتتامادا. قۇجاتتاردا ساعاتتار جۇقا التىن قاباتىمەن قاپتالۋى كەرەك دەپ كٶرسەتٸلگەن, ال باۋى مٸندەتتٸ تٷردە بۇزاۋ تەرٸسٸنەن بولۋى كەرەك.
تەحنيكالىق سيپاتتاماعا سەيكەس:
- مەحانيزمٸ – جاپون نەمەسە شۆەيتسارييالىق ساپادان تٶمەن بولماۋى كەرەك, كۆارتستىق تيپ.
- كورپۋسى تولىق PVD gold (التىن) جابىنىمەن (تيتان نيتريدٸ + 10 ميكرون التىن).
- ارتقى قاقپاعى – توت باسپايتىن بولاتتان.
- ساعات سوققىعا تٶزٸمدٸ, ەينەگٸ – سىزاتقا تٶزٸمدٸ مينەرالدى.
- سۋ ٶتكٸزبەيتٸندٸگٸ – كەمٸندە 5 اتم.
- تسيفەربلاتى – اق ەمال, اراب تسيفرلارى, ديامەترٸ 30 مم-دەن كەم ەمەس.
- باۋى – بۇزاۋ تەرٸسٸنەن, انتياللەرگەندٸ جابىنمەن, قارا نەمەسە قوڭىر تٷستٸ.
- ەربٸر ساعات داناسى پوليتسييا دەپارتامەنتٸنە 11 000 تەڭگەگە تٷسەدٸ. ەيەلدەرگە ارنالعان 80 ساعاتتىڭ قۇنى 880 000 تەڭگەنٸ, ال 100 ەرلەر ساعاتتارى – 1 100 000 تەڭگە.
تاعى بٸر تالاپ – ەرەكشە قاپتاما:
- ساعاتتار قارا نەمەسە قىزىل تٷستٸ بىلعارىدان جاسالعان, جىلتىر قاپتامادا بولۋعا تيٸس.
- ەر ساعاتقا پاسپورت پەن سەرتيفيكات قوسا بەرٸلەدٸ.
- ارتقى جاعىندا "قر ٸٸم" لوگوتيپٸ مەن "ماڭعىستاۋ وبلىسى پوليتسييا دەپارتامەنتٸ" دەگەن جازۋى بار لازەرلٸك گراۆيروۆكا بولۋى تيٸس.
ماڭعىستاۋ وبلىسى پوليتسييا دەپارتامەنتٸنٸڭ باسپاسٶز قىزمەتٸ مۇنداي ساعاتتار دەپارتامەنت تاراپىنان مەرەكەلەردە ەرەكشە كٶزگە تٷسكەن قىزمەتكەرلەر مەن ارداگەرلەرگە سىيلىق رەتٸندە بەرٸلەتٸنٸن ايتتى. رەداكتسيياعا بەرگەن سۇحباتىندا شەندٸلەر وسى سۋۆەنيرلەردٸڭ سۋرەتتەرٸن جٸبەرٸپ, ولاردىڭ ەشقانداي ەرەكشەلٸگٸ جوق ەكەنٸن مەلٸمدەدٸ.
