قازاقستاندىقتار 2022 جىلدىڭ ناۋرىزىندا 2021 جىلمەن سالىستىرعاندا التىن قۇيمالاردى 2,9 ەسە كٶپ ساتىپ العان. بۇل تۋرالى ۇلتتىق بانك حابارلادى.
"2022 جىلعى ناۋرىزدا ەكٸنشٸ دەڭگەيلٸ بانكتەر مەن جەكەلەگەن بانكتٸك ەمەس ايىرباستاۋ پۋنكتتەرٸ جالپى سالماعى 167,2 كەلٸ 8 269 قۇيما ساتتى, بۇل 2021 جىلدىڭ وسى كەزەڭٸمەن سالىستىرعاندا 3 ەسە كٶپ (سالماعى 48,2 كەلٸ 2 898 قۇيما).
ساتىلىمنىڭ ۇلعايۋىنا التىنعا ينۆەستيتسييا قۇيۋعا قىزىعۋشىلىعى ارتقان حالىقتىڭ سۇرانىسى ىقپال ەتٸپ وتىر. سەبەبٸ قارجى نارىعىنداعى بەلگٸسٸزدٸك پەن ۆاليۋتا باعامى قۇبىلمالى بولىپ تۇرعان شاقتا كٶپشٸلٸك بۇعان جيناقتارىنىڭ ساقتالۋىن قامتاماسىز ەتۋدٸڭ بالامالى قۇرالى رەتٸندە قارايدى", - دەلٸنگەن حابارلامادا.
حالىققا تازارتىلعان التىن قۇيمالاردى ساتۋ جەنە ساتىپ الۋ باعدارلاماسىن ۇلتتىق بانك 2017 جىلى ٸسكە قوسقانى ايتىلدى. باعدارلاما قولعا الىنعالى جالپى سالماعى 3 تونناعا جۋىق 87 531 التىن قۇيما ساتىلعان.
التىن قۇيمالار بەس تٷرلٸ سالماقتا ۇسىنىلادى: 5, 10, 20, 50 جەنە 100 گرامم.
"ساتىپ الۋشىلار اراسىندا ٶتە جوعارى سۇرانىسقا يە تٷرٸ – 10 گرامدىق قۇيما. جالپى ساتىلعان قۇيمالار اراسىندا ونىڭ ٷلەسٸ - 27 پايىز, ياعني, 23 390 دانا. ودان كەيٸن 20 گرامدىق قۇيما سۇرانىسقا يە, 18 178 دانا (21 پايىز), 100 گرامدىق قۇيمادان 18 034 دانا (20 پايىز), 5 گرامدىق قۇيمادان 16 834 دانا (19 پايىز), 50 گرامدىق قۇيمادان 11 095 دانا (13 پايىز) ساتىلدى. التىن قۇيمالار الماتى, نۇر-سۇلتان جەنە اتىراۋ قالالارىندا كٶپ ساتىلادى", - دەيدٸ ۇب باسپاسٶز قىزمەتٸ.
التىن قۇيمالار سەنٸمدٸ ينۆەستيتسييا قۇرالى بولا الادى. التىن قۇيمالار نارىعىنداعى ٶتٸمدٸلٸكتٸڭ باستى كەپٸلٸ - بانك پەن بانكتٸك ەمەس ايىرباستاۋ پۋنكتتەرٸ كليەنتكە اقشانى سول كٷنٸ تٶلەي وتىرىپ, التىن قۇيمالاردى كەرٸ ساتىپ الا الادى.
باعدارلاما باستالعالى بەرٸ ەكٸنشٸ دەڭگەيلٸ بانكتەر مەن جەكەلەگەن بانكتٸك ەمەس پۋنكتتەر جالپى سالماعى 303,3 كەلٸ 12 367 التىن قۇيمانى كەرٸ ساتىپ العان, بۇل – جالپى ساتىلعان التىن قۇيمالاردىڭ 14 پايىزى. ولار كەرٸ ساتىپ العان التىن قۇيمالاردىڭ بارلىعى ۇلتتىق بانكتٸڭ فيليالدارى ارقىلى حالىققا ساتىلادى.
